1221, de novembre, à mars 1222. — Pacy-sur-Eure.
Philippe Auguste donne à Raoul d'Estrées et à son héritier tout ce qu'il avait à Vez y compris le moulin. En compensation de la rente de vingt muids de blé que les religieuses de Longpré ont le droit de prendre sur ce moulin, le roi donne audit Raoul une rente similaire à la mesure de Crépy sur le moulin de Largny.
A. Original scellé du grand sceau du roi, « en cire vert et en las de soie », selon D, perdu.
B. Copie, formules abrégées, du xiiie s., Registre E de Philippe Auguste, fol. 221.
C. Copie du xiiie s., Registre F de Philippe Auguste, fol. 178, d'après B.
D. Vidimus du 20 janvier 1377 par les gardes des sceaux du bailliage de Senlis, Archives nationales, J 160, Senlis I, n° 46.
Indiqué : Analyse du xviiie s., Archives nationales, R4 79 ; A. Teulet, Layettes du Trésor des chartes, t. I, p. 533, n° 1481, d'après D.
Texte établi d'après BD.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos dilecto et fideli nostro Radulpho de Estrees et heredi suo masculo de uxore sua desponsata propter ejus fidele servicium donamus et concedimus in perpetuum quicquid habemus apud villam que dicitur Ve super Autontiam tam in villa quam in pertinentiis ville, de nobis quiete et pacifice tenendum et de heredibus nostris in augmentum feodi quod ipse Radulphus in hominagium ligium de nobis tenebat. Donamus etiam ei et dicto heredi suo in eadem villa molendinum, in quo molendino, cum quidam tam in feodis quam in elemosinis annuatim redditus haberent, nos omnibus illis qui in jamdicto molendino aliquid percipiebant sufficiens dedimus excambium, preterquam monialibus de Longo Prato que in eodem molendino viginti modios bladi ad mensuram Crispiaci percipiunt annuatim, et sic molendinum illud sepedicto Radulpho et heredi suo masculo de uxore sua desponsata in perpetuum quietamus et concedimus. De bannariis hujus molendini ita statuimus quod si quis de bannariis ad molendinum illud sicut in tempore nostro molere noluerit et consuetudinem nostri temporis violare presumpserit, ipse Radulphus aut dictus heres suus emendam illam quam ibidem habere solebamus pro tali forisfacto cum omni justicia habebit. Si vero ex inpotencia sua vel dicti heredis sui emendam illam habere non poterit et ad nos vel heredes nostros vel ballivos nostros inde questio referatur, nos omni dilatione cessante hoc ipsum ei emendari faciemus et nos emendam nostram si nobis placuerit inde capiemus. Sciendum est etiam quod in recompensationem viginti modiorum bladi ad mensuram Crispiaci quos dicte moniales de Longo Prato percipiunt annuatim in molendino de Ve sicut est supradictum, prefatum Radulphum et ejus dictum heredem assignamus ad viginti modios bladi ad mensuram Crispiaci capiendos singulis annis in molendino nostro de Lerniaco, ita quod in crastino beati Remigii incipiet recipere dictum bladum et continue recipiet illud donec dictos viginti modios bladi integre receperit per manum molendinarii nostri qui molendinum nostrum de Lerniaco tenebit, et etiam dictus molendinarius propriis vecturis bladum illud ducet apud Ve ubi dictus Radulphus et heres suus voluerit de tali blado quale molendinum lucrabitur. Si vero dictus Radulphus vel dictus heres suus molendinarium nostrum suspectum habuerit quod ei non reddat bladum quale ei reddere debet, ponet custodem suum si voluerit qui clavem ciste custodiet in molendino ad sumptus molendinarii, donec dictos viginti modios bladi perceperit. Si vero aliquo modo contigerit quod dictum molendinum eidem Radulpho aut heredi suo dictos viginti modios bladi reddere non possit annuatim sicut dictum est, nos illi defectum aut dicto heredi suo restitui faciemus. Quod ut perpetue firmitatis robur obtineat, presentem cartam sigilli nostri auctoritate et regii nominis karactere inferius annotato confirmamus. Actum Paciaci, anno incarnati Verbi M° ducentesimo vicesimo primo, regni vero nostri quadragesimo tercio, astantibus in palacio nostro quorum nomina supposita sunt et signa. Dapifero nullo. Buticulario nullo. Signum Bartholomei camerarii. Signum Mathei constabularii.
Data vacante (Monogramme) cancellaria.