1221, novembre. — Anet.
Philippe Auguste confirme l'acte de renonciation de Jocerand Le Gros, sire de Brancion, et de Marguerite, sa femme, en faveur d'Archambaud [VIII] de Bourbon, à toutes leurs prétentions sur la baronnie de Bourbon.
A. Original jadis scellé sur lacs de soie. Hauteur, 332 mm. ; largeur, 220 mm. Archives nationales, P 13771, n° 2764.
a. J. Monicat et B. de Fournoux, Chartes du Bourbonnais, n° 70, p. 100, d'après A.
Indiqué : A. Huillard-Bréholles, Titres de la maison de Bourbon, t. I, p. 20, n° 84, d'après A ; M. Fazy, Catalogue des actes concernant l'histoire du Bourbonnais, p. 432, n° 606, d'après A.
Philippus Dei gratia Francorum rex. Noverint universi presentes pariter et futuri nos inspexisse litteras dilecti nostri Joceranni Grossi, domini Branceduni, et Ma[r]garete, uxoris sue, filie domini Galcheri de Salins, sub hac forma :
Ego Jocerantius Grossus, dominus Branceduni, notum facio universis presentibus et futuris quod si ego habebam aliquid juris vel habere expectabam in baronia Borbonii vel in ejus pertinenciis ex parte Margarete, uxoris mee, filie domini Galcheri de Salins, sororis domini Archembaudi de Borbonio, ego jus illud quito et imperpetuum quitavi domino Archembaudo et heredibus suis quos habet vel habebit de uxore sua, qui heredes si forte, quod absit, decesserint, concedo et facio quitationem supradictam fratribus et sororibus ejusdem Archembaudi a domino Guidone de Dampetra procreatis, et similiter quitationem supradictam Margareta uxor mea fecit et concessit. Ego autem et Margareta, uxor mea, juravimus super sacrosancta Ewamgelia dictam quitationem bona fide tenere, et quod in predicta baronia vel ejus pertinenciis nichil de cetero reclamabimus aut petemus et quod contra dictam quitationem ire decetero nullatenus attemptabimus. Et ut hoc firmius et stabilius habeatur, ego factus sum homo ligius domini Archembaudi contra omnes qui possunt vivere vel mori, salva fidelitate domini Johannis de Cabilone, ducisse Burgondie, Hunberti de Bello Joco et Odonis de Monte Acuto ; et si forte ab homagiis dictorum Humberti et Odonis aliquo modo discederem, non possem facere homagium supra homagium domini Archembaudi, nisi hereditas mihi obvenerit pro qua homagium me facere oporteret. Teneor etiam juvare contra omnes dictum Archembaudum, non obstante contradictione illorum quatuor prenominatorum, nisi forte ipsi cum ipso Archembaudo in proprio suo capite guerram haberent. Pro hac autem quitatione et conventione firmiter observanda dictus Archembaudus dedit mihi et Margarete, uxori mee, mille et trecemtas (sic) libras pruveniensium. Et ut hoc imperpetuum ratum habeatur, presentes litteras dedi domino Archembaudo et heredibus suis sigilli mei munimine roboratas. Actum apud Anetum, anno Domini M° CC° vicesimo primo, vigilia Omnium Sanctorum.
Nos autem, ad petitionem dicti Joceranni et Margarete, uxoris sue, qui coram nobis predictas conventiones se tenere juraverunt, et ad peticionem dicti Archembaudi, in hujus rei testimonium, presentibus litteris sigillum nostrum apposuimus. Actum apud Anetum, anno Domini M° CC° vicesimo primo, mense novembri.