1221, novembre. — Saint-Germain-en-Laye.
Philippe Auguste confirme les lettres d'Anseau de Boutervilliers relatant la même convention qu'à l'acte précédent.
A. Original perdu.
B. Copie du xviie s., Cartulaire D de l'abbaye de Saint-Benoît-sur-Loire, Archives du Cher, G 121, fol. 175 v°, d'après un cartulaire plus ancien de la même abbaye, fol. 118, n° 497, et d'après A.
C. Copie du xviiie s., Cartulaire C de la même abbaye, Archives du Loiret, H 22, p. 263, n° 487, d'après A.
D. Copie de 1725 par Dom Chazal, Historia monasterii Floriacensis, Bibliothèque municipale d'Orléans, ms. 490-491, p. 811, ex autographo.
a. M. Prou et A. Vidier, Recueil des chartes de l'abbaye de Saint-Benoît-sur-Loire, t. II, p. 278, n° CCCLXXXVI, d'après BCD.
Texte établi d'après BC.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos litteras dilecti nostri Anselmi de Botervillier inspeximus sub hac forma :
Anselmus de Botervillier miles omnibus ad quos litteras presentes pervenerint in Domino salutem. Noverit universitas vestra quod inter venerabilem virum Bartholomeum, abbatem Beati Benedicti Floriacensis, et conventum ejusdem ecclesie ex una parte, et me ac uxorem meam Elizabet et filios nostros et filias ex alia, super quitatione majorie de Merovilla talis ordinatio intervenit, videlicet quod ... Ut igitur premissa omni discutione, calumnia et reclamatione careant in futurum, sed omnia in perpetua firmitate et statu semper incolumi perseverent, ego Anselmus presentes litteras duxi sigillo meo fideliter roborandas. Actum anno gratie millesimo ducentesimo vicesimo primo.
Nos autem, ad petitionem partium, presentes litteras sigilli nostri auctoritate et regii nominis caractere inferius annotato, salvo in omnibus jure nostro et alieno, confirmamus. Actum apud Sanctum Germanum in Laya, anno incarnati Verbi millesimo ducentesimo vicesimo primo, regni vero nostri quadragesimo tertio, astantibus in palatio nostro quorum nomina supposita sunt et signa. Dapifero nullo. Buticulario nullo. Signum Bartholomei camerarii. Signum Mathei constabularii. Data vacante (Monogramme) cancellaria.