1221, novembre. — Saint-Germain-en-Laye.
Philippe Auguste confirme une lettre de Barthélemy, abbé de Saint-Benoît-sur-Loire, et du couvent octroyant à Anseau de Boutervilliers, sa vie durant, en compensation de l'abandon de la mairie de Mérouville, la moitié de tous les revenus du monastère en cette paroisse.
A. Original perdu.
B. Copie du xviie s., Cartulaire D de l'abbaye de Saint-Benoît-sur-Loire, Archives du Cher, G 121, fol. 179 v°, d'après un cartulaire plus ancien de la même abbaye, fol. 119, n° 499, et d'après A.
C. Copie du xviiie s., Cartulaire C de la même abbaye, Archives du Loiret, H 22, p. 264, n° 489, d'après A.
a. M. Prou et A. Vidier, Recueil des chartes de l'abbaye de Saint-Benoît-sur-Loire, t. II, p. 279, n° CCCLXXXVII, d'après BC.
Texte établi d'après BC.
Philippus Dei gratia Francorum rex universis presentes litteras inspecturis salutem. Noveritis quod nos cartam dilecti et fidelis nostri Bartholomei abbatis et conventus Sancti Benedicti Floriacensis inspeximus in hec verba :
Bartholomeus Dei gratia humilis abbas et conventus Sancti Benedicti Floriacensis omnibus ad quos littere presentes pervenerint salutem in Domino. Noverit universitas vestra quod nos dilecto nostro Anselmo de Botervillier militi quondam majori nostro de Merovilla per quitationem majorie de Merovilla, quam nobis et ecclesie nostre dictus Anselmus et uxor sua Elisabeth ac filii et filie eorumdem per interpositionem juramenti fecerunt, dedimus et concessimus medietatem omnium nostrorum reddituum, proventuum et exituum tailliarum et omnium omnino aliarum rerum quas habebamus in parochia de Merovilla per manum servientis communis et partibus jurati quamdiu predictus Anselmus vixerit percipiendam, exceptis furno et molendino ejusdem ville que ab ipsis emimus in quibus nec ipse nec uxor ejus nec heredes eorum aliquid in presens vel in futurum percipient vel habebunt, exceptis etiam duabus postatis forragii et viciis cum viciarum forragiis et pisaciis cum lentigiis si ad grangiam nostram de Merovilla non fuerint conducta pisacia vel lentigia supradicta que ad dictam grangiam de necessitate deferri non tenentur. Sciendum insuper quod predictam medietatem rerum superius expressarum dicto Anselmo personaliter ad vitam ejus tantummodo concessimus, ita quod nec uxor ejus nec filii nec filie nec aliquis heredum ipsorum nec aliquis quicumque occasione ejusdem Anselmi poterunt in dictis rebus post decessum ipsius Anselmi aliquid petere vel etiam reclamare. Imo nobis et ecclesie nostre libere et quiete absque omni calumnia remanebunt. Ut igitur premissa quamdiu dictus Anselmus vixerit robur et firmitatem obtineant, presentes litteras sigillis nostris duximus roborandas. Actum anno gratie millesimo ducentesimo vicesimo primo.
Nos itaque prescriptas divisiones sicut superius exprimuntur, ad utriusque partis petitionem, presentes litteras fecimus scribi et sigilli nostri auctoritate, salvo in omnibus jure nostro et alieno, precepimus confirmari. Actum apud Sanctum Germanum in Laya, anno Domini millesimo ducentesimo vicesimo primo, mense novembri.