1222, du 3 avril au 31 octobre. — Melun.
Philippe Auguste confirme l'exemption de tout péage accordée à l'abbaye de Barbeau par Louis VII en 1177, mais en la limitant au domaine royal auquel elle s'appliquait à cette date.
A. Original aujourd'hui perdu, « de huit pouces de largeur, sur dix pouces de hauteur », avec lacs de soie rouge et verte, selon D.
B. Copie du xiiie s., Cartulaire 2 de Barbeau, Bibliothèque nationale, ms. lat. 10943, fol. 29 v°.
C. Copie du xviie s., Cartulaire 3 de Barbeau, Bibliothèque nationale, ms. lat. 5466, p. 260, d'après le Cartulaire 1 de Barbeau aujourd'hui perdu.
D. Copie figurée de 1786 par D. Barthélemy, Bibliothèque nationale, Collection Moreau, vol. 131, fol. 166, d'après A.
Mention : S. Roulliard, Histoire de Melun, p. 360.
Texte établi d'après BCD.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos inspexisse cartam felicis memorie regis Ludovici genitoris nostri sub hac forma :
In nomine sancte et individue Trinitatis. Ludovicus Dei gratia Francorum rex. Notum fieri volumus universis presentibus et futuris quod fratribus monasterii de Sancto Portu, qui sub Dei et nostra specialiter protectione consistunt, pro salute anime nostre concessimus ut per universam terram nostram liberos et quietos transitus habeant et de omnibus rebus que ad usum victus et vestitus eorum necessarie fuerint, neque pedagium neque teloneum neque aliquam omnino consuetudinem quantum ad nos attinet exsolvant. Quod ut perpetue stabilitatis obtineat munimentum, presenti scripto notari et sigilli nostri auctoritate precepimus roborari, apposito karactere nominis nostri. Actum apud Fontem Blaaudi, anno incarnati Verbi M° C° LXXVII°, astantibus in palatio nostro quorum subjecta sunt nomina et signa. Signum comitis Theobaldi dapiferi nostri. Signum Guidonis buticularii. Signum Rainoldi camerarii. Signum Radulfi constabularii. Vacante cancellaria.
Nos autem libertatem predictam dictis fratribus duximus concedendam per terram nostram tantummodo quam videlicet dictus genitor noster tenebat tempore et die quibus istam fecit et donavit eis libertatem sicut idipsum declarat incarnatio prenotata. Quod ut perpetuum robur obtineat, presentem paginam sigilli nostri auctoritate et regii nominis karactere inferius annotato duximus roborandam. Actum Meleduni, anno dominice Incarnationis M° CC° vicesimo secundo, regni vero nostri quadragesimo tertio, astantibus in palatio nostro quorum nomina supposita sunt et signa. Dapifero nullo. Buticulario nullo. Signum Bartholomei camerarii. Signum Mathei constabularii. Data vacante (Monogramme) cancellaria.