1222, du 3 avril au 31 octobre. — Paris.
Philippe Auguste confirme la concession faite par Philippe de Nanteuil aux hommes de la commune de Crépy, en avril 1222, d'un droit d'usage dans le bois de Gombrie.
A. Original perdu.
B. Copie, formules abrégées, du xiiie s., Registre E de Philippe Auguste, fol. 120 v°.
C. Copie du xiiie s., Registre F de Philippe Auguste, fol. 94, d'après B.
Traduction française, copie du xvie s., avec la date de 1226, an 2, Archives nationales, R4 83, 2e liasse, à la fin.
Carta communie Crispiaci quam habet habet (sic) a domino rege de confirmatione carte Philippi de Nantolio super usuarium bosci de Gombria.
In nomine etc. Philippus etc. Noverint universi presentes pariter et futuri nos vidisse litteras dilecti et fidelis nostri Philippi de Nantolio sub hac forma :
Ego Philippus de Nantolio et heredes mei notum facimus universis tam presentibus quam futuris quod de assensu Adeline uxoris mee concedimus hominibus communie Crispiaci usuarium vivi nemoris et mortui ac pasture percipiendum in nemore de Gombria, salva grieria nostra ejusdem nemoris et salvo eo quod nemus predictum non poterunt exartare nec disrumpere nisi per dominum regem et per nos. Propter hoc autem dicti homines reliquerunt michi et heredibus meis trecentos arpennos nemoris predicti ad perticam regis, quorum viginti arpenni sunt tenentes ad defensum de Livegnen et ducenti et octoginta arpenti sunt tenentes ad boscum de Pereio. Et de hiis trecentis arpennis poterimus ego et heredes mei nostram facere voluntatem ; et postquam dicti trecenti arpenni fuerint metati, nos debemus facere fossatum inter dictos arpennos et aliud nemus predictum in quo hominibus communie concessimus usuarium vivi nemoris et mortui ac pasture. Quando autem dicti trecenti arpenni scindentur, homines communie non habebunt aliquod usuarium in talleiciis illorum trecentorum arpennorum, donec talleicia habeant sex annos completos ; quin forisfactum si ibi inveniatur, emendetur michi et heredibus meis ad usus et ad consuetudines patrie. Sed post sex annos completos habebunt homines communie in talleiciis illis usuarium pasture, exceptis tamen capris et ovibus. Quod ut robur perpetuum obtineat, presentes litteras sigillo meo et sigillo uxoris mee feci sigillari. Actum anno Domini M° CC° XX° secundo, mense aprilis.
Hiis autem duximus adjungendum quod si forte contingeret ut de nemore Gombrie aliquid nobis apropriaremus vel alii daremus, dictus Philippus tantum de nemore illo caperet quantum inde nobis apropriaremus vel alii daremus, dictosque trecentos arpennos poterit idem Philippus vendere sine grieria. Que ut perpetue etc., ad petitionem dicti Philippi et hominum communie Crispiaci, salvo jure nostro et alieno confirmamus. Actum Parisius, anno dominice Incarnationis M° CC° XX° secundo, regni vero nostri anno quadragesimo tercio, astantibus etc.