1222, de juillet au 31 octobre. — Saint-Germain-en-Laye.
Philippe Auguste confirme une charte de Barthélemy de Roye, de juillet 1222, portant don aux chanoines de Joyenval de la maison avec ses dépendances qu'il avait achetée de Hugues de Hennemont, de trois arpents de vignes, de treize livres de rente sur sa maison de Paris, de son manoir de Gonesse, et de ses prés de l'île Mauvoisin sis au-dessus du pont de Mantes, avec ses vignes de Maule.
A. Original perdu.
B. Copie du xviie s., Recueil de copies de titres, Archives de Seine-et-Oise, 48 H 1, 1re liasse, fol. 2.
Indiqué : Inventaire des titres de l'abbaye de Joyenval, de juillet 1726, Archives de Seine-et-Oise, 48 H 1, 1re liasse, fol. 1 v°.
Mention : A. Maquet, L'Abbaye de Joyenval, dans L'Industriel de Saint-Germain-en-Laye, 29 mai 1875, p. 2.
In nomine sanctissime (sic) et individue Trinitatis. Amen. Philippus Dei gratia Francorum rex. Noverint universi presentes pariter et futuri nos inspexisse cartam carissimi et fidelis nostri B[artholomei] de Roya, Francie camerarii, sub hac forma :
Universis Christi fidelibus presentes litteras inspecturis B[artholomeus] de Roya, Francie camerarius, salutem in Domino. Noveritis quod nos, de ascensu (sic) et voluntate Petronille uxoris nostre, damus et concedimus ad presens in perpetuam elemosinam canonicis de Joyenvalle Premonstratensis ordinis ibidem Deo servituris domum ipsam quam emimus a Hugone de Hanemonte cum triginta quinque arpennis tam terre quam prati et viginti arpennis bosci que emimus ab eodem et quadraginta arpennis bosci nostri tenentibus eisdem, cum pratis nostris de Lyneria, et tria arpenna vinearum que emimus ad opus eorumdem, videlicet duo arpenna in Veuteon et unum arpennum apud Marolium, et tredecim libratas reditus in domo nostra Parisius quam Adam Li Haumiers tenet de nobis juxta ecclesiam Sancti Leufredi, reddenda medietate in Nativitate sancti Joannis Baptiste et alia medietate in Nativitate Domini persolvenda, et manerium nostrum de Gonessia cum tota terra quam emimus ibidem. Damus etiam et concedimus dictis canonicis, post decessum nostrum et dicte Petronille uxoris nostre, prata nostra de Insula Mali Vicini sita supra pontem Medonte, cum vineis nostris de Maulia, ita quod bona dicte domus ad alios usus transferri non poterunt nisi ad usus canonicorum ibidem Deo servientium. Et duo de supradictis canonicis singulis diebus tenebuntur in capella nostra de Essartis missas et alia divina misteria celebrare. Quod ut ratum et firmum semper permaneat, presentes litteras sigilli nostri munimine fecimus confirmari. Actum anno Domini 1222, mense julio.
Nos igitur, ad petitionem dicti B[artholomei], predictam eleemosinam sicut superius est annotata volumus et concedimus, et ut perpetue stabilitatis robur obtineat presentem paginam sigilli nostri autoritate (sic) et regii nominis caractere inferius annotato confirmamus. Actum apud Sanctum Germanum in Laya, anno dominice Incarnationis 1222 (sic), regni vero nostri quadragesimo tertio, astantibus in palatio nostro quorum nomina supposita sunt et signa. Dapifero nullo. Butticulario (sic) nullo. Signum Bartholomei camerarii. [Signum] Mathei constabularii.
Data vacante (Monogramme) cancellaria.