1222, juillet. — Melun.
Philippe Auguste fait savoir que Biseul de Cosmes a reconnu être maire de Saint-Hilaire-sur-Erre et de Corubert pour l'église Saint-Maurice de Tours.
A. Original perdu.
B. Copie du xixe s., Bibliothèque nationale, ms. nouv. acq. lat. 1183, p. 134, d'après le Liber compositionum de l'église de Tours, du xiiie s., jadis conservé à la Bibliothèque municipale de Tours (ms. 1271), détruit en 1940, charte XXXV, fol. XI, p. 21.
Philippus Dei gratia Francorum rex. Noverint universi presentes pariter et futuri quod Bisolius de Cosmis, miles, in presentia nostra recognovit quod ipse erat major ecclesie Beati Mauricii Turonensis de Sancto Hylario super Ederam et de Corribert, et quod de dicta majoria tenentur ipse et heredes sui facere juramentum fidelitatis in capitulo Beati Mauricii coram dominis capituli. Si vero ipse vel heredes sui submonerentur de jure faciendo super hiis que pertinent ad majoriam predictam, tenerentur exinde in capitulo respondere et juri stare coram dominis capituli. Et sciendum quod, si vadia duelli darentur in capitulo Beati Mauricii inter ipsum capitulum et Bisolium predictum super hiis que pertinent ad ipsam majoriam, idem Bisolius veniret in marchia comitatus Perticensis circa Feritatem Bernardi defendere se in curia equali per salvum conductum, sicut deberet. Quod ut perpetue stabilitatis ac memorie robur optineat, nos ad petitionem utriusque partis presentem paginam sigilli nostri auctoritate fecimus communiri. Actum Meleduni, anno Domini M° CC° XX° secundo, mense julio.