1223, [du 23 au 30 avril]. — Saint-Germain-en-Laye.
Philippe Auguste donne à Thibaud, fils d'Yves de Beaumont, en échange des parties du comté de Beaumont que celui-ci abandonne au roi, divers biens et droits à Jouy, Corbeil-Cerf, Hédouville, Boran, Précy-sur-Oise, Bornel, Belle-Église et Méru, ainsi qu'une somme de sept mille livres parisis.
A. Original perdu.
B. Copie, formules abrégées, du xiiie s., Registre E de Philippe Auguste, fol. 222.
C. Copie du xiiie s., Registre F de Philippe Auguste, fol. 179, d'après B.
D. Copie, sous la forme d'une traduction française, du 20 février 1476 (n. st.) d'un vidimus délivré par le garde du sceau de la prévôté de Lorris du 18 (?) décembre 1390, Bibliothèque nationale de France, Collection Clairambault, vol. 1061, fol. 118, faite d'après l'original scellé « de cire vert en laz de soye », qui paraît complète et exacte.
a. E. Martène, Veterum scriptorum amplissima collectio, t. I, col. 1173, « ex ms. Colbertino ».
b. L. Douët d'Arcq, Recherches historiques et critiques sur les anciens comtes de Beaumont-sur-Oise, p. 103, d'après BC.
Carta Theobaldi de Uilliaco, filii Ivonis de Bellonte (sic).
Philippus etc. Notum etc. quod nos dilecto et fideli nostro Theobaldo, filio quondam Ivonis de Bello Monte, et heredibus suis, dedimus in perpetuum et concessimus, pro quittancia parcium et villarum comitatus Bellimontis inferius descriptarum facta nobis et heredibus nostris in perpetuum ab ipso Theobaldo, partes ejusdem comitatus inferius annotatas. Theobaldo igitur prefato dedimus et assignavimus has villas, scilicet : Joiacum villam, que est inter Insulam Adam et Campanias, Corbellessart, Hodevillam, majoriam, conductum, minutos redditus et talliam de Borranc, decima vini de Borranc et residuo decimarum bladi de Borranc, deductis elemosinis Johannis quondam comitis Bellimontis, et domo de Borranc, que fuit ipsius comitis, cum clausura ejusdem domus, remanentibus in perpetuum dilecto et fideli nostro Miloni episcopo et decano et capitulo Belvacensi pro quitancia feodi quod dictus comes et ejus antecessores de dictis episcopo et capitulo Belvacensi tenuerant, pedagio vero de Borranc, quod ad Bellummontem pertinet, nobis et heredibus nostris in perpetuum remanente. Item dedimus et assignavimus eidem Theobaldo Pressiacum, Bornel, Bellam Ecclesiam, et Meru, cum quatuor feodis militum. Preterea dedimus et assignavimus eidem Theobaldo nemora de Boonell[o], de Pressiaco et de Meru, et insuper quatuor vivaria apud Joiacum antedictum. Hec autem omnia sepedicto dedimus et assignavimus Theobaldo et heredibus suis in perpetuum, cum omni eorumdem justicia et expletis. Si vero ipse Theobaldus aut ejus heredes in prescriptis partibus suis sibi aliquo justo modo aliquid possent acquirere, aut aliquid eisdem per aliquod forisfactum accideret, id in perpetuum suum esset. Et hec omnia prescripta tenebunt de nobis et heredidus nostris ligie ipse Theobaldus et ejus heredes per servicium, se tercio milite. Preterea hec autem omnia, dedimus eidem Theobaldo, pro predicta quitancia, septem milia librarum parisiensium. Ipse vero Theobaldus nobis et heredibus nostris, ut dictum est, in perpetuum quitavit omnes has partes et villas comitatus Bellimontis inferius scriptas, scilicet : Bellummontem, Chambliacum, Asnerias, Campanias, Ballolium, Montegniacum, Croy, Joi juxta Baenne, et Baenne, et alias villas que sunt inter Borranc et Bellummontem. Item, Sanctum Martinum in Colle, Nervillam, Pratellas, Mafliers et Beelay, et quod nobis remanet apud Masnil, cum omnibus ipsarum parcium et villarum justiciis et universis earumdem pertinenciis, in planis, boscis, et aquis, et aliis quibuscumque rebus pertinentibus ad easdem. Sciendum autem quod omnia feoda comitatus Bellimontis nostra sunt et heredum nostrorum in perpetuum, exceptis illis quatuor feodis que dicto assignavimus Theobaldo apud Meru. Et similiter vivarium de Goigneru et omnia alia vivaria comitatus Bellimontis pertinencia ad predictas partes et villas nobis et heredibus nostris remanent in perpetuum, exceptis quatuor vivariis que nos apud Joiacum villam, que est inter Insulam Adam et Campanias, eidem Theobaldo assignamus. Insuper sciendum quod dictus Theobaldus feoda et elemosinas dictarum villarum, quas ipsi et ejus heredibus assignavimus et dedimus, illis quibus debentur persolvet in perpetuum annuatim. Actum apud Sanctum Germanum in Laia, anno dominice Incarnationis M° CC° vicesimo tercio.