1223, [du 23 au 30 avril]. — Paris.
Philippe Auguste donne à l'abbé et au couvent de Saint-Denis, en échange de ce que tenait d'eux Jean comte de Beaumont, la maison de Saint-Martin-du-Tertre, et précise les droits respectifs du monastère et de lui-même dans la châtaigneraie de Saint-Martin-du-Tertre.
A. Original perdu.
B. Copie, formules abrégées, du xiiie s., Registre E de Philippe Auguste, fol. 156 v°.
C. Copie du xiiie s., Bibliothèque nationale de France, lat. 5149, fol. 1.
D. Copie du xiiie s., Registre F de Philippe Auguste, fol. 125, d'après B.
E. Copie du xiiie s., Cartulaire blanc de Saint-Denis, t. I, Archives nationales, LL 1157, p. 705.
F. Copie du xviiie s., Bibliothèque nationale de France, Collection de Picardie, vol. 245, fol. 197, d'après C.
a. J. Doublet, Histoire de l'abbaye de S. Denys en France, p. 901.
Indiqué : L. Douët d'Arcq, Recherches historiques et critiques sur les anciens comtes de Beaumont-sur-Oise, p. 110, d'après D.
Texte établi d'après BCE.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod cum dilectus et fidelis noster P. abbas Sancti Dyonisii totusque ejusdem loci conventus nobis et heredibus nostris quitaverint in perpetuum omnia feoda et domania, advocationes, fortericias et omnes censivas et omnes justicias et garennas et grierias que Johannes quondam comes Bellimontis et ejus antecessores tenuerunt de eis in universis locis quibus comites Bellimontis ea habuerunt, ita quod de censivis reddemus eidem abbati et conventui nos et heredes nostri censum debitum sicut comites Belli Montis eum reddiderunt, nos propter quitantiam rerum omnium predictarum dedimus et concessimus in perpetuum abbati et conventui predictis domum Sancti Martini in Colle cum virgulto et quinque arpennis bosci qui sunt circa domum eandem, sicut sunt mensurati et signati, et quicquid comes Belli Montis habebat in villa Sancti Martini in Colle. Et sciendum quod in sexaginta quinque arpennis castenarie Sancti Martini in Colle vel pluribus, si plures sint arpenni qui communes erant abbati et conventui predictis et comiti Bellimontis, habemus nos et heredes nostri unam medietatem et abbas et conventus aliam. Et insuper habebunt abbas et conventus castaneas dicte castenarie. De forisfactis autem de quibus forisfactores capientur ad presens forisfactum de bosco scindendo in castenaria predicta, habebimus nos et heredes nostri unam medietatem et abbas et conventus aliam. Servientes autem qui ex parte nostra vel heredum nostrorum dictam custodient castenariam tenentur facere fidelitatem abbati et conventui memoratis, et similiter servientes abbatis et conventus dicte castenarie custodes tenentur nobis et heredibus nostris facere fidelitatem. Nos autem et heredes nostri in perpetuum habebimus totam aliam justiciam in castenaria predicta. Abbati siquidem Beati Dyonisii licebit facere piscari in duobus stangnis de Beu quociens jacebit apud Sanctum Martinum in Colle. Universis autem cartis et munimentis que abbas et conventus habent sigillis comitum Bellimontis vel aliorum sigillata que possent aliquo modo facere contra compositionem istam penitus abrenuntiarunt quantum pertinet ad nos et heredes nostros, volentes et concedentes ut nullo unquam tempore liceat eis uti cartis vel munimentis illis contra nos et heredes nostros, nec eedem carte vel munimenta contra nos et heredes nostros aliquid firmitatis obtinebunt. Si vero contingeret quod nos vel heredes nostri advocatiam rerum predictarum mitteremus extra manum nostram vel heredum nostrorum, ille cui advocatia traderetur teneretur abbati Sancti Dyonisii facere hominagium sicut comites Bellimontis fecisse noscuntur. Quod ut perpetue stabilitatis robur obtineat, presentem paginam sigilli nostri auctoritate et regii nominis karactere inferius annotato salvo jure alieno confirmamus. Actum Parisius, anno dominice Incarnationis M° CC° vicesimo tercio, regni vero nostri XL° IIII°, astantibus in palatio nostro quorum nomina supposita sunt et signa. Dapifero nullo. Buticulario nullo, Signum Bartholomei camerarii. Signum Mathei constabularii. Data vacante (Monogramme) cancellaria.