1190, juin. — Paris.
Philippe Auguste prend sous sa protection l'abbesse et les moniales de Saint-Cyr[-au-Val-de-Gallie].
A. Original perdu.
B. Copie du xive s., Archives nationales, JJ 66, fol. 272 v°, n° 650, enregistrement d'un vidimus de A donné par Philippe VI en avril 1332.
Indiqué : Archives nationales. Registres du Trésor des chartes. Tome III. Règne de Philippe de Valois. Inventaire analytique par J. Viard, 1ère partie, Paris, 1978, p. 165, n° 1289, d'après B.
Philippus, Dei gratia Francorum rex, prepositis [et] baillivis suis omnibus ad quos littere presentes pervenerint, salutem. Universos qui religionis habitum assumpserunt quodam speciali privilegio amoris fovere et res eorum manutenere intendimus ; inter eos tamen quosdam familiarius diligentes, precipimus vobis universis et singulis quatinus dilectas et familiares nostras mulieres religiosas abbatissam de Sancto Cirico et moniales ejusdem loci, cum universis rebus ad jamdictum monasterium pertinentibus in nostra custodia et protectione susceptis, in pace et quiete libertatis ab incursu malignancium manere faciatis. Si quis vero de rebus predictarum monialium in potestatibus vestris constitutis aliquid sine clamore ceperit, tantum de rebus malefactoris capiatis ex precepto nostro quod res eisdem sine mora restitua[n]tur et forefactum emendetur. Si quis autem de baronibus nostris vel aliquis de terris eorum aliquid injurie vel molestie jamdictis monialibus vel rebus earum inferre presumpserint, volumus ut ipsi vel eorum justiciarii super emendatione injurie vel forefacti quantocius conveniantur ut eis res que ablate sunt restituantur et forefactum emendetur, attendentes quod si quis vestrum, quod non credimus, precepti nostri transgressor extiterit, tociens nobis centum solidos parisiensium pro emendatione dabit quociens ab hujus precepti executione ab abbatissa vel monialibus requisitus defecerit. Quod ut perpetuum robur obtineat, sigillo nostro confirmamus. Actum Parisius, anno incarnati Verbi millesimo C° nonagesimo, mense junii.