1186, du 13 avril au 31 octobre. — Vitry-aux-Loges.
Philippe Auguste confirme les coutumes accordées aux habitants de la Chapelle-la-Reine et des villages appartenant au même bailliage par Louis VI et par Louis VII.
A. Original perdu.
B. Copie du xve s., d'après un vidimus de Louis XI daté de juillet 1470, Archives nationales, JJ 195, n° 475.
C. Copie du xviie s., Bibliothèque nationale, français 7007, fol. 184, sans doute d'après B.
D. Copie du xviie s., Bibliothèque nationale de France, franç. 4423, fol. 30, d'après le Mémorial O cité en a.
a. La Thaumassière, Coutumes locales de Berry, p. 707, d'après une copie du vidimus de Louis XI transcrit dans le Mémorial O de la Chambre des Comptes, qui avait été communiquée par Vyon d'Hérouval.
b. Ordonnances, t. XI, p. 239, d'après a.
c. Ordonnances, t. XVII, p. 321, d'après B.
Indiqué : Bréquigny, Table des diplômes, t. IV, p. 82.
Indiqué : Maurice Prou, Les coutumes de Lorris, p. 106, n° 2.
In nomine sancte et individue Trinitatis. Amen. Philippus, Dei gratia Francorum rex. Noverint universi presentes pariter et futuri quoniam genitor noster venerande memorie rex Ludovicus hominibus de Capella et de villis ad bailliviam illam pertinentibus concessit easdem consuetudines quas pater suus, avus noster, pie recordationis rex Ludovicus, eis concesserat quando fecit herbergiari Capellam et villas ad balliviam illam appendentes. — Concessit itaque et constituit ut omnes apud Capellam et in villis ad Capellam pertinentibus manentes liberi sint et quieti ab omni consuetudine in Gastineto et ab omni ablatione et tallia et exactione et questa. — Quicumque in villam venerint, nisi aut murtrum aut furtum aut homicidium aut proditionem aut raptum fecerint, res eorum et corpora tuta et salva erunt quamdiu per regem vel prepositum justicie stare voluerint; et, si recedere noluerint, per conductum regium et in guerra et in pace, cum rebus suis, securi ibunt quo eis placuerit. — Quisquis in villa forefecerit, secundum consuetudinem ville, forifacta sexaginta solidorum ad quinque solidos, et forifacta quinque solidorum ad duodecim denarios et districta ad quatuor denarios reducuntur. — Si prepositus forifacta regis requisierit ab aliquo inhabitore, nisi disracionatum fuerit, per solam manum suam se purgabit et quittus erit. — Universi qui in villa habitant has semper habebunt consuetudines, excepto preposito quamdiu preposituram administrabit; qua exutus in eisdem consuetudinibus erit. — In exercitum vel expeditionem nunquam ibunt quin eadem nocte revertantur ad domos suas. — Et cum aliquis de eadem villa vineam, domum seu terram vendiderit, rectas venditiones solummodo reddet; sed de vendita domo servientes sex denarios habebunt pro vino ad Natale Domini. — De consuetudinibus suis panem, vinum seu denarium unum dabunt et avenam reddent sine concussura recte mensuratam. — Quicumque in villam venientes per annum et diem ibi in pace manserint, si nec per regem nec per prepositum justitiam vetuerint, ab omni jugo servitutis deinceps liberi erunt. — Pro submonitione extra villam, nullus inhabitantium ibit ad placitandum et, quamdiu tenuerit justiciam, corpus ejus non capietur. — Habebit autem prepositus potestatem ponendi messores ex arbitrio habitantium et voluntate solummodo a quibus gagium capietur. Semper portabitur ad domum illius cui factum est dampnum ut quod justum est ei pro dampno restituatur, et, si inciderit justitia nostra, nobis quoque conservetur. — De rebus venalibus in eadem villa nullum bannum habet regia munificentia. — Majora maleficia ut murtrum, furtum, prodicio et raptus mulierum, si quando emerserint, ex consuetudine Gastineti tractabuntur. — Quociens mutabitur prepositus, has consuetudines tenendas jurabit, nec antea ad ejus submonitionem necesse erit homines venire. — Cum itaque predictas consuetudines a predecessoribus nostris, videlicet ab avo et patre nostro, constet nobis concessas fuisse memoratis hominibus, nos quoque, patrum nostrorum vestigiis inherentes, eas benigne concessimus, et, ut perpetuam sortiantur stabilitatem, presentem paginam sigilli nostri auctoritate ac regii nominis caractere inferius annotato precepimus confirmari. Actum Vitriaci in Legio, anno incarnati Verbi millesimo C° LXXX° sexto, regni vero nostri anno septimo, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi [constabularii]. Data vacante (Monogramme) cancellaria.