1198, 1er novembre – 1199, 17 avril. — Châteauneuf-sur-Loire.
Philippe Auguste institue en l'église Saint-Nicolas de Lorris qu'il a fondée deux prêtres qui célèbreront l'office à l'intention de ses ancêtres et de lui-même. Chacun d'eux aura un revenu annuel de douze livres et demie de parisis sur la prévôté de Lorris.
A. Original perdu.
B. Copie du 17 juillet 1376 sous le sceau de la prévôté de Lorris, Archives départementales du Loiret, Collection Joursanvault, 6 J 19, n° 2, d'après A.
Indiqué : Catalogue analytique des archives de M. le baron de Joursanvault, Paris, 1838, t. II, p. 190, n° 3271, d'après B.
Indiqué : Cl. Lannette, Inventaire analytique de la sous-série 6 J [des Archives du Loiret] (Collection Joursanvault), Orléans, 1976, p. 227.
In nomine sancte et individue Trinitatis. Amen. Philippus, Dei gracia Francorum rex. Noverint universi presentes pariter et futuri quod nos, pro remedio anime nostre et genitoris nostri pie recordacionis, quondam regis Ludovici, et antecessorum nostrorum, in honore Dei et gloriose Virginis Marie et in memoria beati Nicolay confessoris, instituimus apud Lorriacum duos presbiteros in ecclesia Beati Nicolay quam fundavimus, qui divina celebrent assidue pro nobis et antecessoribus nostris et sua apud Deum nos adjuvent intercessione. Sed quia « operarius dignus est mercede sua », volumus ut unusquisque presbiterorum illorum habeat duodecim libras et dimidiam parisiensis monete in redditibus prepositure nostre Lorriacensis. Unde precipimus preposito vel ei qui loco prepositi ibi erit ut sine dilatione et contradictione aliqua illis duobus presbiteris vel eorum certis nunciis in festo sancti Johannis Baptiste reddat singulis annis duodecim libras et dimidiam, scilicet uni sex libras et quinque solidos et alii tantumdem, et alias duodecim libras et dimidiam similiter singulis annis in Nativitate Domini, sub hac pena quod prepositus vel ille qui ejus loco ibi erit, nisi ad statutos terminos hos redditus reddiderit sacerdotibus vel eorum certis nunciis, precipimus quod tociens quinque solidos de suo det sacerdotibus pro emendacione per quot dies predictos redditus reddere differet. Volumus autem quod nullus habeat redditus istos nisi sit presbiter. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam precepimus roborari. Actum apud Castrum Novum super Ligerim, anno ab Incarnatione Domini M° C° nonagesimo octavo, regni nostri anno vicesimo, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante [cancellaria].