1215, juillet. — Compiègne.
Philippe Auguste fait connaître les conclusions de l'enquête faite par Aubert de Hangest, Guillaume de la Chapelle et Hugues d'Athies, chevaliers, sur les droits d'usage des chanoines de Valsery dans la forêt de Retz.
A. Original, jadis scellé (sceau perdu) sur double queue de parchemin de 9 mm. de large. Hauteur, 235 mm., sans compter le repli de 26 mm. ; largeur, 205 mm. Archives nationales, R4 234, 1ère liasse (« Valois, abbaye de Valséry »).
B. Copie collationnée du 13 février 1690, même dépôt, même carton, liasse intitulée : « Valois. Tresfonds de l'abbaye de Valsery en la forest de Retz », fol. 3 v°, d'après A.
Traduction : Traduction française du xviie s., deux copies du xviie s., l'une à la suite de B, fol. 4, l'autre, même dépôt, R4 703, fol. 4.
Ph(ilippus), Dei gratia Franc(orum) rex. Noverint universi presentes pariter et futuri quod hec est inquisitio facta per Albertum [2] de Hangest et Guillelmum de Capella et Hugonem de Atheiis, milites, super usuario quod canonici de Valle Serena petebant in [3] foresta de Rest consuetudinarie. Hec autem sunt nomina juratorum : decanus Sancti Thome, Adam frater ejus, Aubertus de Ponte, [4] Robertus de Lavesne, Ing(erranus) Darthoise, Rob(ertus) le Charreton, Heudoinus Barat, Theboldus de Puisels, Odardus de Cortils, Gervasius [5] de Amblegn(iaco), Guillelmus de Meremont, Ren(ardus) prepositus, Johannes de Ve, Milo de Voucienes, Rad(ulfus) de Lorris, Galt(erus) de Maroil, Henricus de [6] Marol(io), griarius de Mortuo Fonte, Arnulfus Mouflez, Barth(olomeus) de Morgneval, Guillelmus de Cruce, Mich(ael) de Feritate, Odo de [7] Pisseleu. Isti omnes jurati dixerunt quod canonici de Valle Serena habent per totam forestam de Rest, ad usum suum, branch(ias), mor-[8]-tuum boscum et residua extra landas et defensa, ad sex asinos. Item, fagotarius eorum vadit post asinos et facit fagotos suos de [9] eo quod remanet post onera asinorum, et illos fagotos ducit cum una quadriga ad duos equos ad corpus abbatie ad usum suum, sed [10] nichil potest sternere, nec branch(ias), nec vivum boscum, nec aliud. Domus de Javages habet per totam forestam branch(ias), mortuum boschum [11] et residua ad duos asinos extra landas et defensa et venditiones, ad suum usum, sine vendere et dare. Granchia de Dan-[12]-leu similiter ad unam quadrigam ad duos equos. Item in bosco de Autoisel cujus fundus terre suus est, infra metas capiunt illi de [13] Danleu mortuum boscum et residua ad faciendum quicquid volunt ad usus suos, et possunt exinde facere carbones et ducere ad do-[14]-mos suas ad voluntatem suam sine dare et vendere, et possunt habere servientem suum in illo bosco qui ipsum custodiat, sed non potest [15] aliquem vel aliquid capere nec forifactum de aliquo levare, quia forifacta sunt domini regis. Iste quatuor domus, videlicet domus de Vivariis, de [16] Exsarto, de Spina et de Castello, capiunt branch(ias) et mortuum boscum in suo proprio nemore quod vocatur Boscus Beate Marie de [17] Vivariis ad suos proprios usus, sine vendere et dare, et per totam forestam extra landas et defensa habent mortuum boscum ad [18] clausuras suas et ad faciendum escharaz ad vineas suas, et possunt ducere les escharaz ad vineas suas usque ad Esne. Item, [19] homines de Vivariis et de Longavesne habent mortuum boscum et residua in bosco qui vocatur Boscus Beate Marie de Vivariis [20] ad usum suum et ad faciendam voluntatem suam per redditum quem propter hoc reddunt ecclesie Vallis Serene, et possunt ipsum ducere usque ad [21] Esne. Item, homines de Mortuo Fonte et de Marrival et de Tallefontaine possunt se arrentare ad mortuum boscum capi-[22]-endum in proprio bosco Beate Marie de Vivariis ad usum suum et ad faciendam voluntatem suam, et possunt ipsum ducere usque ad [23] Esnam. Canonici de Valle Serena et grangie sue habent pasturam equis et vaccis suis per totam forestam extra landas et [24] defensa et vendiciones. Item, audierunt quod quando illi de Valle Serena inveniebantur scindentes in propriis boscis suis etiam ad [25] herberjandum se, quod ipsi capiebantur per servientes de Petrifonte et servientes comitisse et ducebantur ad comitissam et ad [26] ultimum liberabantur, sed nesciunt quomodo, quia nonquam exinde viderunt jus fieri vel emendam levari ; unde nos volumus [27] et concedimus quod ipsi habeant libere usuarium suum in propriis boscis suis de vivo bosco ad herberiagia sua, sine vendere, da-[28]-re vel exsartare. Quod ut perpetuum robur obtineat, sigilli nostri auctoritate presentem paginam roborari precepimus et mu-[29]-niri. Actum Compend(ii), anno dominice Incarnationis M° CC° XV°, mense jul(io).