1188, du 1er janvier au 16 avril. — Paris.
Philippe Auguste accorde à ses bourgeois de Tournai un droit de commune conforme aux coutumes qu'ils suivaient avant cette concession, et enregistre la promesse de concours militaire qu'ils lui ont faite en retour.
A. Original perdu.
B. Copie de 1204, Registre A de Philippe Auguste, fol. 13.
C. Copie de 1211, Registre C de Philippe Auguste, fol. 33 v°, d'après B.
D. Copie de 1220, Registre E de Philippe Auguste, fol. 76, d'après C.
E. Copie de 1247, Registre F de Philippe Auguste, fol. 5, d'après D.
F. Traduction française du commencement du xiiie s., Archives du Nord, Chambre des Comptes de Lille, Trésor des Chartes, Tournai et Tournaisis, B 1390, n° 8.
G. Fragment du xiiie s., dans le Premier cartulaire de Flandre, Archives du Nord, B 1561, pièce 565.
H. Fragment du xiiie s., dans le Deuxième cartulaire de Flandre, Archives du Nord, B 1562, pièce 652.
I. Traduction française du xiiie s., Archives du Nord, B 8, n° 162.
J. Autre traduction française du xiiie s., Cartulaire d'Audenarde dit Cartulaire rouge, Archives du Nord, B 1570, pièce 3.
K1. Traduction française du xiiie s., Deuxième cartulaire de Hainaut, Archives du Nord, B 1583, pièce 127.
K2. Traduction française dans une copie du précédent cartulaire, Archives du royaume de Belgique, Chambre des Comptes, n° 50, fol. 371.
L. Traduction française du xiiie s., Troisième cartulaire de Hainaut, Archives du Nord, B 1584, pièce 111.
M. Copie de la fin du xiiie s., défectueuse et peut-être interpolée, transcrite au dos d'un acte de l'officialité de Tournai dont la date manque, Archives de la ville de Tournai.
N. Copie du xive s., Registre B de Philippe Auguste, fol. 10, d'après B.
O. Copie du xive s., Registre D de Philippe Auguste, fol. 37 v°, d'après C.
a. D'Achery, Spicilegium, t. III, p. 551, d'après O.
b. Ordonnances, t. XI, p. 248, d'après N et O.
c. Poutrain, Histoire de Tournay, t. II, pièces justificatives, p. 7, d'après C et N.
d. Hoverlant, Mémoire sur l'état de la servitude au royaume des Pays-Bas, t. II, p. 377, d'après a.
e. Brun-Lavainne, Revue du Nord, de Lille, t. I, p. 209, d'après J.
f. Fragment dans Tailliar, Notice sur la langue romane d'oïl, dans les Mémoires de la société royale séant à Douai, 1839-1840, p. 452, d'après e.
g. Tailliar, De l'affranchissement des communes dans le nord de la France, p. 122, d'après e.
h. Tailliar, Recueil d'actes des xiie et xiiie siècles..…, p. 489, d'après a.
i. Tailliar, ibidem, même page, d'après e.
j. Ch. Duvivier, Revue d'histoire et d'archéologie, t. II, p. 94, d'après K2.
k. Ch. Duvivier, Bulletin de la classe des lettres… de l'Académie royale de Belgique, 1901, p. 277, d'après B.
l. Ch. Duvivier, ibidem, même page, d'après I.
Indiqué : Wauters, Table chronologique des diplômes..… t. II, p. 663.
Indiqué : Hocquet, Inventaire analytique des Archives de la ville de Tournai, d'après M.
Indiqué : J. Finot, Liste des diplômes des rois..… conservés aux Archives du Nord, p. 23, n° III.
Texte dressé d'après B rapproché des traductions françaises et du texte de 1211.
In nomine sancte et individue Trinitatis. Amen. Philippus Dei gratia [Francorum rex]. Quoniam regum interest ad ea que pacis sunt intendere, id quod inde bono zelo gerimus litterarum apicibus duximus annotandum et vivacis scripti memorie commendandum. Noverint itaque universi presentes pariter et futuri quoniam burgensibus nostris Tornacensibus pacis institucionem et communiam dedimus et concessimus ad eosdem usus et consuetudines quas dicti burgenses tenuerant ante institucionem communie. Hee autem sunt consuetudines.
1. Si quis aliquem hominem de communia Tornacensi infra civitatem Tornacensem vel extra occiderit, et captus fuerit, capite plectetur et domus ejus, si aliquam habuerit, diruetur. Quicquid residuum habet interfector infra justiciam communie Tornacensis debet communia habere, et si interfector evaserit, civitatem Tornacensem intrare non poterit quousque parentibus interfecti reconciliatus fuerit et emendationem decem librarum communie fecerit.
2. Si aliquis super alicujus morte accusatus fuerit et per legitimos testes illum occidisse probari non potuerit, judicio aque frigide innocentiam suam purgabit.
3. Si aliquis aliquem percusserit et querimonia inde facta fuerit, quocumque modo eum percusserit, si constans fuerit, centum solidis emendabit, percusso XLVIIIto, communie quinquaginta duobus; et si constans non fuerit, tercia manu se purgare debebit.
4. Si vero aliquis de nocte sive de die armis molutis aliquem vulneraverit et vulneratus testes super hoc habuerit, percussor decem libras dabit: centum solidos percusso et centum solidos communie. Si autem testes non habuerit, et de die factum fuerit, septima manu se purgabit; si vero de nocte, judicio aque frigide.
5. Si aliquis propter odium aut rancorem aliquem habuerit suspectum et preposito communie hoc intimaverit, prepositus ei securitatem fieri faciet juramento accepto ab eo; et si suspectus coram preposito non fecerit securitatem, ipse et omnia sua in voluntate communie debent remanere; et si nichil habuerit, inimicus erit civitatis.
6. Si aliquis extraneus, qui de communia non fuerit, homini de communia fecerit assultum, vicini sui eum adjuvare debent. Quod nisi fecerint, prepositus super eos clamare debet dedecus civitatis; et quicquid de eo fecerint, nullum adversus civitatem debent incurrere forisfactum.
7. Si homo alii homini infra justiciam communie fecerit assultum, prepositus accedens utrinque pacem teneri jubebit; et si neuter eorum pacem tenere voluerit pro preposito, et hoc duobus juratis vel duobus de communia hominibus constiterit, uterque decem libras dabit communie. Similiter quislibet qui assultui intererit et prepositi preceptum non fecerit, emendationem decem librarum dabit communie.
8. Si vero preposito in legem ville incedenti aliquis turpia fecerit, emendationem decem librarum ad opus communie dabit.
9. Si quis alicujus domum assilierit et ille cui fit assultus assilientem defendendo se assultumque repellendo occiderit, nichil super hoc emendabit communie.
10. Si aliquis convicia dixerit alicui et per testes legitimos fuerit convictus, XL solidos dabit: contumeliam passo XVIII, et communie XXII.
11. Si aliquis aliquem pulsaverit iracunde aut traxerit, et super hoc testibus convinci potuerit, L solidorum faciet emendationem: tracto vel pulsato XXIII, communie XXVII; et si non fuerit convictus, tercia manu suam faciet purgationem.
12. Qui per iram ensem super aliquem infra villam traxerit, si prepositus de eo querimoniam faciens testes legitimos habuerit, XL solidos de eo habebit communia, et si prepositus testes non habuerit, tercia manu se purgabit accusatus.
13. Si aliquis alicui ponens insidias ipsum ceno vel luto involverit, prepositus et jurati, veritate intellecta a viris sive a feminis, ipsum ad solutionem X librarum communie compellent pro emendatione forifacti, si convictus fuerit; et illas X libras infra quindecim dies persolvere aut villam relinquere oportebit; et si villam interim intraverit et captus fuerit, uno membro truncabitur. Ille autem cui hoc dedecus factum est, si voluerit querimoniam facere, poterit, et justicia fiet ei.
14. Si vero aliquis alicui unum membrorum suorum abstulerit et captus fuerit, tale corporis sui membrum amittet; si vero prius parentibus reconciliari poterit, C solidos communie persolvet. In emendationibus forisfactorum habebunt castellanus et advocatus porcionem suam ad judicium juratorum.
15. Si aliquis cum latrocinio in villa captus fuerit, communia de eo faciet justiciam. Qui vero per veram famam de latrocinio accusatus fuerit, per tres annos imbannitus villam relinquet, et si interim redierit, justiciam de eo communia faciet.
16. Si aliquis puer aliquem puerum casu occiderit, considerationi prepositi et juratorum debet relinqui utrum puer debeat solvere penas aut immunis delicti remanere.
17. Si homo communie super falso fuerit convictus testimonio, communiam debet amittere quousque per voluntatem prepositi et juratorum possit eam sibi recuperare.
18. Si miles alicui civium Tornacensium debito obligatus tenetur et civis preposito super hoc querimoniam fecerit, prepositus militem ad diem citare debet. Si miles ad diem venerit nominatum, civis sola manu, nisi fuerit de juratis, jurare debet quod justum de milite fecerit clamorem; et si super hoc duorum juratorum habuerit testimonium, querelam suam adversus militem obtinebit et, si testimonio caruerit, miles tercia manu militum se nichil ei debere juramento prestabit. Postquam autem civis clamorem suum obtinuerit, si miles infra villam manens sit, prepositus res ipsius militis pro debito ad opus civis debet saisire et, donec satisfecerit, detinere. Si vero extra villam manserit, ville communio ipsi debet interdici. Ex tunc autem civis ubicumque poterit de suo tantum accipiat quod suum possit recuperare debitum. Si vero miles ad diem nominatum, occasionem pretendens rationabilem, venire non poterit, ante diem sibi prefixum suam excusationem preposito insinuabit a quo alius dies ei prefigetur, et post illum diem tertius ad quem vel eum vel pro eo responsalem venire oportebit. Prepositus autem militem infra villam conducere poterit quousque coram juratis a cive ei inhibitum fuerit. Si miles hominem feodatum in civitate habuerit, ipse homo eum in hospitio suo de jure recipere poterit, sed ei nec creditionem nec vicinagium faciet.
19. Si forte castellanus sive advocatus aut eorum servientes res civium violenter abstulerint, prepositus eos ad diem citabit; si ad diem venire voluerint satisfacturi, prepositus eorum res que ad communiam pertinent saisire debet, quousque satisfactionem fecerint condignam.
20. Si quis crucem, dominicum visitaturus sepulcrum, acceperit, occasione crucis non remanebit quin eum oporteat jura civitatis et consuetudines observare secundum omnes divitias suas, preter has quas secum deferet ad servicium Dei.
21. Quislibet homo legitimus, de quacumque terra fuerit, si in civitatem venerit et ibi manere voluerit, licitum erit ei, ut consuetudines civitatis observet.
22. Nemo civium alium civem ad duellum provocare poterit.
23. Quicumque uxorem alicujus hominis infra civitatem manentis abduxerit, imbannitus civitatem per septem annos relinquet. Si postea reconciliatus redeat, res illius hominis quas cum muliere asportav[e]rit ex integro ei restituat.
24. Quicumque puellam vi oppresserit, si constans fuerit, per septem annos imbanniri debet; et si de voluntate illius et parentum suorum eam ducere uxorem voluerit, bene ei liceat.
25. Quicumque hominem occiderit et ad ecclesiam confugerit, ecclesia ei garandiam conferre non poterit.
26. Quicumque fecerit injuriam in aqua Tornacensi, vie ipsius aque catena debent recludi quousque injuria fuerit emendata.
27. Cum prepositus et jurati et ceteri homines communie propter negocia civitatis per civitatem ierint, quicumque alicui eorum convicia dixerit et convictus fuerit quadraginta solidis illud communie emendabit. Ille vero cui convicium dictum est, si clamorem fecerit, justicia fiet ei.
28. Emendationes forisfactorum de communia debent custodire per annum quatuor jurati et quatuor qui nec sint jurati nec scabini, super hoc sacramentum facientes, et utraque pars suum habeat clericum. Illos vero qui nec sunt jurati nec scabini eligant homines de communia; juratos instituant jurati.
29. In communia Tornacensi debent haberi triginta jurati, de quibus duo erunt prepositi, et cum unus vel duo vel plures ex illis XXX decesserint, superstites jurati numerum de aliis supleant supradictum.
30. Caritatem Beati Christofori et Calidos Furnos et Excubias debent custodire quinque homines legitimi qui nec scabini nec jurati sint, et duo scabini quorum alter citra aquam et reliquus ultra aquam esse debet, et quidam prepositus qui de triginta juratis erit assumptus.
31. Predicti quinque homines legitimi jurare debent quod de emendationibus Caritatis, Calidorum Furnorum et Excubiarum ultra quinque solidos non expendent, nisi ad usus ville communes, et isti quinque emendationes et earum scripta debent custodire.
32. Si tallia debeat fieri in villa ultra quadringentas libras, secundum valentiam cujusque hominis quam habet, accipi debet id quod excedit quadringentas libras. Si summa tallie non excedit quadringentas libras, ad arbitrium proborum hominum ville imponetur. Hanc autem talliam colligere debent legitimi viri parrochiarum qui nec sunt scabini nec jurati, et cum eis sex jurati, si sint in parrochia, et omnes similiter parrochie scabini. Numerus autem colligentium talliam, scilicet inter legitimos homines et scabinos et juratos, debet esse viginti de qualibet parrochia. Quatuor homines qui nec sunt scabini nec jurati debent talliam custodire.
33. Homines de parrochia Sancti Bricii debent esse de communia Tornacensi et de consuetudinibus Tornaci, exceptis hominibus de Brolio et de Romegnies.
34. Has itaque prenominatas consuetudines, et si quas alias oblivione omisimus quas Tornacenses habere soleant et debeant, ipsis in perpetuum inviolabiliter et in pace observandas, sicuti hucusque dinoscuntur observasse, concessimus ad recordationem juratorum, salvo jure ecclesiarum et castellani et advocati et dominorum monete et maerie et nobilium virorum circummanentium, et easdem eis per Drogonem de Vileron, militem nostrum, assecurari fecimus.
35. Propter hoc autem quocienscumque servientes communiarum nostrarum in nostrum mittemus servicium, homines Tornacenses mittent in nostrum servicium trecentos pedites bene armatos, si precepto nostro vel successorum nostrorum regum Francie fuerint inde requisiti; si vero versus Aroasiam cum exercitu venerimus nos vel successores nostri, communia tota Tornacensis usque ad eundem locum, vel usque ad eque remotum locum circa Tornacum, nobis occurrere debet, si absque impedimento illuc usque potuerit pervenire. Et hoc servicium nobis faciendo homines Tornacenses quieti erunt et liberi ab omnibus aliis consuetudinibus a nobis et ab heredibus nostris regibus Francie, et nos eos in jure suo adjuvare tenebimur.
36. Preterea eisdem hominibus concessimus ut campanam habeant in civitate, in loco ydoneo, ad pulsandum ad voluntatem eorum pro negociis ville.
Que omnia ut rata permaneant et inconcussa, presentem cartam sigilli nostri auctoritate ac regii nominis karactere inferius annotato precepimus confirmari. Actum Parisius, anno ab incarnatione Domini M° C° octogesimo septimo, regni nostri anno IX°, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulfi constabularii. Data vacante cancellaria.