1188, du 17 au 30 avril.
Philippe Auguste donne des lettres de non-préjudice aux chanoines de Paris qui, sur sa demande, ont consenti à ce qu'il laissât Gilbert ancien maire d'Andrésy, et ses fils, coupables de divers meurtres, incendies et autres forfaits tant sur les terres du chapitre que sur celles du Roi, continuer à jouir, sauf les cens et la justice des chanoines, de leurs terres labourables, prés et vignes, mais sans la mairie et la justice, et cela jusqu'au quarantième jour après le retour de la Croisade.
A. Original, vraissemblablement scellé sur double queue (si l'on en juge par la fente de 20 mm. faite dans le repli). Hauteur, 182 à 185 mm ; largeur, 228 mm. environ. Archives nationales, S 134 B, 1re liasse (anc. cote : L 452, n° 4).
B. Copie du xiiie s., Grand pastoral de l'église de Paris, Archives nationales, LL 76, p. 180.
a. Guérard, Cartulaire de Notre-Dame de Paris, t. II, p. 153.
Philippus Dei gratia Francorum rex. Noverint universi, presentes pariter et futuri, quod, cum Gislebertus, quondam major Andresiaci, et filii ejus, Colinus et Amauricus et alii fratres eorum, propter homicidia et incendia et alia forisfacta que in terra nostra et canonicorum Parisiensium fecerant, et propter dampna que canonicis ipsis et hominibus eorum intulerant, a terra nostra et ipsorum abjurati essent, canonicos ipsos instanter et affectuose rogavimus quatinus, interventu precum nostrarum et ob reverenciam crucis assumpte, misericorditer cum ipsis agerent, et, salvo jure suo in posterum, aliquam eis indulgentiam eis exhiberent. Cum autem, secundum consuetudines suas et institutionem quamdam, quam, sicut asserebant, de consilio et assensu bone memorie avi nostri Ludovici, regis Francie, fecerant, homicidas et incendiarios, sicut petebamus, revocare non possent, permiserunt nobis ut, salvis censibus et justicia canonicorum, terras arabiles et prata et vineas quas ante abjuracionem habebant illis permitteremus habendas, sine majoria et sine omni justitia, donec a peregrinacione Jerosolimitana nos aut nostri principes redissemus; ita tamen quod nullam eis quitacionem fecerunt de dampnis que ipsis et eorum hominibus intulerant, et querelis quas adversus eos habebant, antequam signum crucis assumerent. Unde, quoniam indignum est in lesionem ecclesie retorqueri quod ad tempus, intuitu nostro, fecit, concedimus et presenti pagina confirmamus quod canonici ipsi, de omnibus querelis et possessionibus eorum, in tali statu sint et tenore infra quadraginta dies post reditum nostrum aut baronum in quo erant antequam signum crucis dominice sumpsissemus, ita tamen quod, quando reversi fuerint, canonici eos juste tractabunt ubi debuerint. Actum anno ab incarnatione Domini M°C°LXXXVIII° octavo, mense aprili.