1188, du 17 avril au 31 octobre. — Mantes.
Philippe Auguste déclare dans quelles conditions il a pris sous sa protection les hommes des Mureaux près de Meulan.
A. Original perdu.
B. Copie du xiiie s., Cartulaire de Saint-Nicaise de Meulan, Bibliothèque nationale, latin 13888, fol. 16.
C. Copie du Cartulaire de Saint-Nicaise, faite au xve s., Bibliothèque nationale, Collection de Vexin, vol. 79, fol. 17 v°, d'après B.
D. Autre copie du même cartulaire faite en 1678, Archives de Seine-et-Oise, série H, d'après B.
a. É. Houth, Recueil des chartes de Saint-Nicaise de Melan, Pontoise, 1924, p. 47, n° 39.
Texte établi d'après B.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod homines de Murellis juxta Mellentum, quam villam Galterus, vicecomes Mellenti, dedit in elemosinam Deo et beate Marie et sancto Nigasio, in protectionem et custodiam nostram, cum rebus eorum, suscepimus in hunc modum quod nec nos, nec successores nostri reges Francorum, dictam villam sive homines ejusdem ville de cetero alienare sive extra manum regiam mittere poterimus. Ipsi autem homines singulis annis, in festo sancti Martini post vindemias, nobis duos modios advene nomine tensiamenti persolvent, vel preposito vicecomiti vel servientibus nostris de Pissiaco advenam illam apud Pissiacum tradent. Quod ut perpetuam stabilitatem obtineat, presentem paginam sigilli nostri auctoritate ac regii nominis karactere inferius annotato precepimus confirmari. Actum apud Medontam, anno ab incarnatione Domini M° C° LXXX° octavo, regni nostri anno nono, astantibus in palatio nostro quorum nomina supposita sunt et signa. Signum comitis Theobaudi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante cancellaria.