1188, du 17 avril au 31 octobre. — Le Puy.
Philippe Auguste confirme à l'évêque de Lodève la possession de tous ses biens et la jouissance de tous ses privilèges.
A. Original perdu.
B. Copie de 1265, insérée dans une réfutation de diverses réclamations portées par l'évêque de Lodève contre le roi, Archives nationales, J 895, n° 2.
a. Auguste Molinier, Bibliothèque de l'École des chartes, année 1876, p. 382, d'après B.
b. H-F. Delaborde, Layettes du Trésor des chartes, t. V, n° 783, p. 263, d'après B.
c. E. Martin, Cartulaire de la ville de Lodève, Montpellier, 1900, p. 30, n° XXIX, d'après a, mais avec l'omission du passage concernant le droit de battre monnaie.
In nomine sancte et individue Trinitatis. Amen. Philipus Dei gratia Francorum rex. Dilecto suo Ramundo reverhendo Lodovensi episcopo et cunctis ejusdem successoribus in perpetuum. Victoriosi reges Francorum, predecessores nostri, Dei magnificentiam dilecxisse et Christum Domini ante mentis occulos habuisse manifeste cognoscuntur, cujus ecclesiam totis viribus exaltaverunt et ad sustentationem servientium in domo Altissima (sic), precisa omni cupiditate, magnas possessiones elargiti sunt, et ea que juris erant regii ecclesiis impendere non timuerunt. Nos autem, etsi tanta non possumus elargiri, in hoc tamen fiduciam magnam habemus quia nobis placet quod ab eis est ecclesiis impertitum et quod in pace sua teneant elaboramus, et ex hiis que suppetunt aliquando aliquid conferimus libenter. Unde notum facimus universis tam presentibus quam futuris quod ecclesie beati martiris Genesii et episcopis quicumque ibi sederint, et tibi specialiter Ramundo, Lodovensi episcopo, concedimus ac nostri privilegii auctoritate communimus, in civitate seu villa que dicitur Lodova, ecclesiam in honore beati Genesii martiris constructam et ipsam eandem villam cum omnibus ad prefatam ecclesiam pertinentibus, et vicariam ejusdem ville, si qua est, et licentiam faciendi in eadem villa et omnibus ecclesie Lodovensis alodiis turres, munitiones, muros, portarum munitiones, vallos (sic), et castrum de Montebruno, castrum de Leraz, villam de Rippes, castrum de Pegairolis, villam de Balmis cum podio, villam de Lauros, castrum de Sobers, castrum de Foderia, castrum de Parelayes, forciam de Planis, forciam de Ulmeto, podium de Cornilio, podium de Gibreto, forciam de Avizate, forciam Sancti Johannis de Gurgitenigro, villam Sancti Johannis de Pliens, castrum de Elzeria, castrum de Vilacun et de Bosco, et Valletam, castrum de Albaygua, castrum de Nizate, castrum Cauzs cum territoriis suis, villam de Navas, villare Bardincum. Inhibemus etiam ne dux vel comes seu quelibet alia potestas super jamdictam ecclesiam aut res ejus injustam exerceat actionem, aut bona vel domos decedentis episcopi occupet vel invadat. Adhuc etiam hujus nostre sanctionis pagine (sic) concedimus tibi, prefato Ramundo episcopo, et successoribus tuis imperpetuum regalia totius episcopatus Lodovensis, scilicet stratas, novas forcias, et precipue illas que fiunt in ecclesiis vel cimitteriis earumque domibus vel pertinentiis, et specialiter jus faciendi monetam regia auctoritate et accipiatur per totum episcopatum vestrum, nec possint aliqui petere partem vel jus aliquid in moneta nostra. Item nominatim concedimus tibi jus prohibendi facere novas monetas et novas forcias in toto episcopatu Lodovensi, facultatem quoque exigendi fidelitates regi debitas, ac potestatem judiciariam omnium causarum tam civilium quam criminalium seu capitalium earumdemque per ministros exsecutionem sub pleno fidejussionis districto, sine contradictione curie secularis, et insuper omnes minerias totius episcopatus Lodovensis quecumque jam aperte vel postmodum aperiende sunt que regii juris esse noscuntur. Que omnia ut perpetuo rata maneant et inconcussa, presens privilegium sigilli nostri auctoritate ac regii nominis caractere inferius annotato precepimus confirmari. Actum apud Podium, anno ab incarnatione Domini millesimo centesimo LXXX octavo, regni nostri anno nono, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante cancellaria. Preterea eidem episcopo confirmamus castrum de Castlari, villam Sancti Micahelis.