1189, du 9 avril au 31 octobre. — Paris.
Philippe Auguste défend de lever à l'avenir la dîme qui avait été accordée l'année précédente pour les besoins de la Terre Sainte.
A. Original perdu.
B1. Copie du xiiie s., Cartulaire G du chapitre de Reims, fol. 4, Archives départementales de la Marne, dépôt de Reims, 2 G 1656.
B2. Copie du xiiie s., Cartulaire G du chapitre de Reims, fol. 41 v°, Archives départementales de la Marne, dépôt de Reims, 2 G 1656.
C. Copie par Dom Grenier, Bibliothèque nationale, Collection Moreau, vol. 91, fol. 165, d'après le Cartulaire 1 du chapitre de Beauvais, aujourd'hui perdu.
D. Copie par le même, Bibliothèque nationale, Collection de Picardie, vol. 111, fol. 13, d'après le même cartulaire.
a. Louvet, Histoire et antiquités du pays de Beauvaisis, t. II, p. 311, d'après un cartulaire de l'église de Beauvais.
b. Marlot, Metropolis Remensis historia, t. II, p. 425.
c. Ordonnances, t. XI, p. 255, d'après a.
d. Traduction allemande dans A. Cartellieri, Philipp II August, t. II, p. 83.
Indiqué : Varin, Archives administratives de Reims, t. I, p. 412.
Philippus Dei gratia Francorum rex, viro venerabili et karissimo avunculo suo Willelmo, eadem gratia Remensi archiepiscopo, et universis ejusdem provincie tam ecclesiastice quam laicis personis, salutem in perpetuum. Cum, ad restitutionem Terre Sancte, ecclesiarum et principum regni nostri assensu, rerum mobilium et reddituum tam ab ecclesiasticis quam laicis personis decime semel exacte fuerint, ne ad consequentiam facti hujusmodi enormitas traheretur, ecclesiarum et principum communi petitione, lege in perpetuum valitura statuimus ne, hujus exactionis occasione vel ob eandem vel similem causam, aliquid ullo modo ulterius exigatur. Cum enim tam devote subventioni remedium fidelibus in salutem debeat transire animarum, visum est nobis Deum potius offendi quam placari si, ex pauperum et viduarum lacrimis, nec placabilis nec accepta Deo talis victima offeratur. Ut ergo nec nobis nec alii tale quid liceat attemptare, regia et publica omnium ecclesiarum et principum regni auctoritate statuimus ut presenti lege a facti hujus ausu damnabili repellamur, et, si ausu temerario a nobis vel ab alio fuerit attemptatum, precepimus irritari. Justum est enim a presenti constitutione neminem excipi cui regiam majestatem indulgemus supponi. Statuimus etiam ut rerum immobilium possessiones et dominia, et proprietatum seu feodorum et advocationum et consuetudinum jura inviolabiliter maneant inconcussa; et ne damnate exactionis occasio sibi vel contra se alicui prescriptionem pariat, et ne quis ex ea vel augeri vel minui, vel in aliquo se sentiat pregravari, volumus etiam ut omnia in eo statu sint in quo erant ante quadragesimo dies quando crucem assumpsimus. Quod ut inconcussam sortiatur stabilitatem, presentem paginam sigilli nostri auctoritate ac regii nominis karactere inferius annotato precipimus confirmari. Actum Parisius, anno Verbi incarnati M° C° LXXX° IX°, regni nostri anno decimo, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante cancellaria.