1189, du 9 avril au 31 octobre. — Fontainebleau.
Philippe Auguste confirme le don d'une maison sise à Paris près de Saint-Landry, fait par Renaud de Mello à l'Hôtel-Dieu de Paris.
A. Original perdu.
B. Copie du xiiie s., Cartulaire A de l'Hôtel-Dieu de Paris, Archives de l'Assistance publique à Paris, liasse 1429 A, fol. 14, n° 8.
C. Copie de la fin du xiiie s., Cartulaire C de l'Hôtel-Dieu de Paris, Archives de l'Assistance publique à Paris, liasse 1429 C.
a. Brièle et Coyecque, Archives de l'Hôtel-Dieu de Paris, n° 32, d'après C.
Texte établi d'après B et a.
In nomine sancte et individue Trinitatis. Amen. Philippus Dei gratia Francorum rex. Nichil magis in nostras utilitates cedere credimus quam ea que in elemosinas pauperum vel propria largitione donamus vel ab aliis erogari concedimus. Noverint igitur universi presentes pariter et futuri quoniam Renaudus de Merlo, fidelis et familiaris noster, domum quandam Parisius sitam versus Sanctum Landericum, quam ei dedimus, dedit, assensu uxoris sue et filiorum suorum, ob anime nostre et animarum eorum remedium, domui Dei Beate Marie Parisiensis in perpetuum ita quod emolumenta que annuatim ex illius locatione domus provenerint in cibos coquine pauperum egrotancium solum expendentur. Nos autem, divine pietatis intuitu et ad petitionem dicti Renaudi, hoc ipsius donum habemus ratum et concedimus in perpetuum, salvo censu alieno, annuentes pariter et precipientes ut qui in illa domo manserit omnimoda gaudeat libertate, preter quam super his que nobis debentur ratione burgesie nostre, et quod per neminem se justiciabit nisi per nos et in presentia nostra, nisi de multro vel homicidio vel furto vel proditione vel raptu accusabitur. Quod ut omnimodam sorciatur in posterum firmitatem, presentem cartam sigilli nostri auctoritate et regii nominis karactere inferius annotato communimus. Actum apud Fontem Bleaudi, anno ab incarnatione Domini M° C° LXXX° IX°, regni nostri anno decimo, astantibus in palacio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante cancellaria.