1189, du 9 avril, au 24 mars 1190.

Philippe Auguste atteste que maître Bertier, chanoine d'Orléans, agissant au nom de l'aumône de Saint-Aignan, a transigé avec la veuve de Raoul Gascogne et la femme de Pierre Vaslin au sujet de la dîme de Trinay.

Référence : Henri-François Delaborde et Elie Berger (éd.), Recueil des actes de Philippe Auguste roi de France. Vol. 1 : Années du règne 1 à 15 (1er novembre 1179 - 31 octobre 1194), Paris, 1916, n^o259.

A. Original, mutilé en son bas, jadis scellé. Hauteur, 110 mm.; largeur, 172 mm. en haut, 159 mm. en bas. British Museum, Additional charters, 13409.

Philippus Dei gratia Francorum rex. Noverint universi ad quos littere presentes pervenerint quod, in curia nostra coram justiciis nostris Drogone de Vileron et Manerio de Stampis apud Lorriacum constituti, magister B[erterius] Aureli[an]ensis canonicus et uxor defuncti Radulfi Gasconie, uxor quoque Petri Vaslini super decima de Trienaio composuerunt in hunc modum quod dicte mulieres elemosine Sancti Aniani, cui magister B[erterius] vadium quod habebat in illa decima donaverat, solvent, in redemptionem illius decime, infra octavas proximi festi Omnium Sanctorum XXX^ta V^que libras, vel altera illarum mulierum medietatem illius pecunie pro habenda medietate decime, si reliqua deficeret in sue partis redemptione. Quod si jam dicto termino non compleretur, idem pignus pro quadraginta libris de anno in annum in marcio reddendis memorate elemosine remaneret. Si vero infra idus marcii totum illud pignus ab illis duabus, vel medietas ab altera earum de viginti libris, non redimeretur, fructus totius pignoris aut partis non redempte remanerent elemosine pretexate (sic). Hoc autem ab ipsis mulieribus et propinquis earum fuit interposita fide firmatum. Quod ne posset oblivione deleri vel recidiva questione turbari, ad preces partium, scripto presente et sigilli nostri fecimus impressione firmari. Actum anno incarnati Verbi M°. C°. LXXX°. IX°.