1189 [août]. — Montargis.
Philippe Auguste donne à la Maison-Dieu de Montargis les droits qu'il avait sur les fours de cette ville.
A. Original perdu, scellé, selon a, «de cire jaulne et verte (sic) en lacs de soye».
a. Morin, Histoire générale des pays de Gastinois, Senonois et Hurepois, p. 21, d'après A.
In nomine sancte et individue Trinitatis. Amen. Philippus Dei gratia Francorum rex. In nostras utilitates illa potissimum cedere credimus que in pias causas intuitu pietatis divine erogamus. Noverint ergo universi presentes pariter et futuri quod, divine respectu clemencie et ob anime genitoris nostri venerande memorie regis Ludovici et anime nostre remedium, donamus domui Dei de Monte Argi, ad usum et sustentationem pauperum ibi infirmitatis necessitate decu[m]bentium, id quod habemus in furnis de Monte Argi in perpetuum concedimus habendum, precipientes ut, ad calefactionem furnorum illorum, ligna accipiant solum in illis locis ubi solebant accipi ab eo tempore quo primum Montis Argi castrum habuimus usque ad diem qua fecimus istam eleemosinam. Quod ut inconcussam perpetuo sortiatur firmitatem, presentem cartam sigilli nostri auctoritate et nostri nominis caractere inferius annotato communivimus. Actum apud Montem Argi, anno ab incarnatione Domini millesimo centesimo octuagesimo nono, regni nostri decimo, adstantibus in palatio nostro quorum nomina sunt hic et signa. Signum comitis Theobaldi, [dapiferi nostri. Signum Guidonis buticularii. Signum Mathei camerarii. Signum] Rodulphi constabularii nostri. Data vacante cancellaria.