1189, du 1er novembre, au 24 mars 1190. — Fontainebleau.
Philippe Auguste atteste que l'abbesse et la commune de Chelles ont transigé au sujet du gîte dû au roi quand il séjourne à Chelles.
A. Original perdu.
B. Copie ajoutée entre 1247 et 1255 au Registre F de Philippe Auguste, fol. 149 v°.
C. Copie ajoutée vers 1265 au Registre E de Philippe Auguste, fol. 352, d'après B.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, cum inter abbatissam Cale et communiam ejusdem ville diu contentio fuisset super procuratione nostra, hinc asserente communia abbatissam procurationem illam debere, et, versa vice, dicente abbatissa communiam procurationem illam debere, tandem utriusque partis assensu convenerunt et composuerunt in hunc modum, in presencia nostra, quod, quando nos vel successores nostri reges Francorum in eadem villa pernoctabimus, semel in anno loco procurationis dabunt nobis triginta libras Parisiensium, abbatissa scilicet decem libras et communia viginti. Actum apud Fontem Blaaudi, anno ab incarnatione Domini M° C° LXXX° nono, regni nostri anno undecimo, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante cancellaria.