1189, du 1er novembre, au 24 mars 1190. — Fontainebleau.
Philippe Auguste termine le différend qui existait entre les chanoines de Notre-Dame d'Étampes et les clercs de l'église de Sainte-Croix de la même ville, en mettant cette église à la disposition des chanoines.
A. Original perdu.
B. Copie du xve s., Cartulaire de Notre-Dame d'Étampes, Archives départementales des Yvelines, J 2786, fol. 1 v° (abîmé) avec l'indication : sigillata sigillo magno cere viride et le dessin du monogramme.
a. Fleureau, Les antiquités d'Estampes, p. 384, d'après B.
b. J.-M. Alliot, Cartulaire de Notre-Dame d'Estampes, Paris/Orléans, 1888, p. 1, n° 2.
In nomine sancte et individue Trinitatis. Amen. Philippus Dei gratia Francorum rex. Quoniam ad officium nostrum pertinet ut ea que contentiose aguntur ad pacis virtutem reducamus, et justitie est, cujus fautores sumus, unicuique quod suum est reddere, idcirco contentionem que erat inter canonicos Beate Marie Stamparum, que nullo mediante nos respicit et plenissimo jure nostra est, et inter clericos ecclesie Sancte Crucis intra limites predicte ecclesie minus rationabiliter fundate, sapientum virorum consilio, episcopi videlicet, decani, cantoris, cancellarii Parisiensium, hoc modo terminare decrevimus, prudente habita deliberatione: ecclesiam Sancte Crucis intra terminos baptismalis ecclesie nostre, Beate Marie videlicet, Odoni, dilecto et familiari clerico nostro, abbati ejusdem ecclesie, et canonicis jamdicte ecclesie, cum omni jure suo et possessionibus et redditibus et privilegiis, integerrime in perpetuum reddidimus, ita quod omnimoda potestas data est et concessa eidem Odoni et canonicis Beate Marie disponendi et ordinandi de ecclesia Sancte Crucis, prout sibi melius visum fuerit, et amovendi et instituendi quoscumque in ecclesia Sancte Crucis viderit amovendos pro voluntate sua et instituendos. Nos igitur, ad consilium episcopi, decani, cantoris et cancellarii Parisiensium, juste [et] rationabiliter permoti, notum facimus universis presentibus pariter et futuris quod ecclesiam Sancte Crucis, que nostra erat, abbati et canonicis ecclesie nostre Stamparum in perpetuum, cum omni jure suo, donavimus, revocantes in irritum quidquid ecclesie Sancte Crucis concesseramus. Quod ut perpetuum firmitatis robur obtineat, presentem paginam sigilli nostri auctoritate et regii nominis charactere inferius annotato precepimus communiri. Actum apud Fontem Blaaudi, anno incarnati Verbi M C LXXXIX, regni nostri anno XI, astantibus in palatio nostro quorum nomina supposita sunt et signa. Signum comitis Theobaudi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante cancellaria.