1189, du 1er novembre, au 24 mars 1190. — Fontainebleau.
Philippe Auguste met l'église de Sainte-Croix de Château-Landon à la disposition des chanoines de Château-Landon.
A. Original perdu.
a. Martène, Thesaurus anecdotorum, t. I, p. 632, «ex cartario Castri Nantonis».
Indiqué : Gallia Christiana, t. XII, col. 200 c et col. 201 d e.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, sicut Odoni, abbati Beate Marie Stampensis, et canonicis ejusdem ecclesie, consilio episcopi et decani et cantoris et cancellarii Parisiensis, ecclesiam Sancte Crucis, infra terminos parochie ipsorum fundatam reddidimus, ita, pari censura et consimili ratione inducti, abbati et canonicis Castri Nantonis ecclesiam Sancte Crucis intra limites ecclesie Beate Marie minus rationabiliter fundatam reddidimus, et cum nundinis unius diei in festo Sancte Crucis in septembri in perpetuum donavimus, ita quod abbas loci predicti plenam et integram potestatem habeat in ecclesia Sancte Crucis, auctoritate nostra et sua amovendi clericos et instituendi canonicos sui ordinis pro velle suo et prout sibi et ecclesie viderint expedire, revocantes in irritum quicquid Johanni et clericis illius ecclesie donaveramus. Quod ut perpetue firmitatis robur obtineat, presentem paginam sigilli nostri auctoritate ac regii nominis caractere inferius annotato precepimus communiri. Actum apud Fontem Blaudi, anno ab incarnatione Domini M C LXXXIX, regni vero nostri XI, astantibus in palatio nostro quorum nomina supposita sunt et signa. Signum comitis Theobaudi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante cancellaria.