1190, du 25 mars à juillet. — Fontainebleau.
Philippe Auguste confirme les donations faites au chapitre de Notre-Dame de Paris par Gautier, son chambellan.
A. Original perdu.
B. Copie du xiiie s.; Grand Pastoral de l'église de Paris, Archives nationales, LL 76, p. 583.
C. Copie du 23 mai 1690, Archives nationales, S 2137 (anc. cote S 2147), d'après A.
Indiqué : Guérard, Cartulaire de Notre-Dame de Paris, vol. I, p. 295, note 2.
In nomine sancte et individue Trinitatis. Amen. Philippus Dei gratia Francorum rex. Que in pias causas contingat erogari regiam decet dignitatem eo favore persequi ut eam sui muniminis adhibeat securitatem quod indebitam non sentiant in posterum concussionem. Noverint igitur universi [presentes] pariter et futuri quoniam Galterius, camerarius noster, ob animarum predecessorum suorum et anime sue remedium, Beate Marie Parisiensi dedit in perpetuum censum quem habebat apud Sanctum Medericum, qui quidem nominatur Census Communis, et id quod habebat in insula Parisiensi que est pone claustrum Parisiense. Ad quod ejusdem ecclesie capitulum, dicti Galterii devocionem non ingratanter respiciens, concessit quod, quando Galterius et Avelina, uxor sua, debitum humane carnis exsolverint, anniversariam eorum memoriam tenebitur Parisiensis ecclesia celebrare. Nos autem, pietatis intuitu et ob nostre salutem anime, prenominati census et insule donacionem ratam habuimus et, ut perpetuam sorciatur firmitatem, sigilli nostri auctoritate et regii nominis caractere inferius annotato, salvo jure alieno roboramus. Actum apud Fontem Bleaudi, anno ab incarnacione Domini M° C° nonagesimo, regni nostri anno XI°, astantibus in palatio nostro quorum nomina supposita sunt et signa. Signum comitis Theobaudi, dapiferi nostri. Signum Guidonis buticularii. Signum Mathei camerarii. Signum Radulfi constabularii. Data vacante cancellaria.