1190, du 25 mars à juillet. — Paris.

Philippe Auguste atteste que Thibaud Thessart et sa femme Juhis ont venda à l'église de Saint-Victor de Paris la terre de Villeret.

Référence : Henri-François Delaborde et Elie Berger (éd.), Recueil des actes de Philippe Auguste roi de France. Vol. 1 : Années du règne 1 à 15 (1er novembre 1179 - 31 octobre 1194), Paris, 1916, no333.

A. Original, scellé, sur lacs de soie rouge, jaune et verte, d'un sceau disparu. Hauteur, 235 mm.; largeur, 187 mm. Archives nationales, S 2152B, boîte Ury, n° 3-4.

B. Copie du xiiie s., Cartulaire de Saint-Victor, Archives nationales, LL 1450, fol. 69.

In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Theobaldus Thessart et Juhis, uxor sua, assensu Hugonis, fratris sui, et trium sororum suarum et maritorum earundem, scilicet Rerici de Perruchei, Durandi Coqui, Harduini de Cella, vendiderunt ecclesie Sancti Victoris Parisiensis, pro quadraginta libris, terram de Vilereht et quinque oscas quas ibi in proprios usus colebant, et quicquid juris in ea habebant in censu, in campiparte, in consuetudinibus et in omni justicia. Et ut firmius staret ista venditio, ipse Theobaldus et uxor sua eam fide interposita tenere et ecclesie predicte se juste guarandire juraverunt. Hugo clericus, frater predicti Theobaudi, Rericus de Perruchei, Durandus Coquus, Harduinus de Cella hujus venditionis juste guarandie fidejussores exstiterunt. Symon vero de Moreto super his de decem libris plegius exstitit. Rogerus autem de Avuns, de cujus feodo terra predicta esse dicebatur, hanc venditionem concessit, voluit et laudavit. Nos vero, ad peticionem utriusque partis, venditionem jamdictam laudavimus et nostrum eidem assensum prebuimus. Quod ut perpetuum robur obtineat, presentem cartam sigilli nostri auctoritate et regii nominis karactere inferius annotato, salvo jure alieno, precepimus confirmari. Actum Parisius, anno ab incarnatione Domini M° C° nonagesimo, regni nostri anno undecimo, astantibus in palatio nostro quorum nomina supposita sunt et signa. Signum comitis Theobaudi, dapiferi nostri. Signum Guidonis buticularii. Signum Mathei camerarii. Signum Radulphi constabularii.

Data vacante (Monogramme) cancellaria.

Localisation de l'acte

Make this Notebook Trusted to load map: File -> Trust Notebook