1190, avril.
Philippe Auguste mande à Maurice, évêque de Paris, à l'abbé de Sainte-Geneviève, au doyen, au chantre et au chancelier de l'église de Paris, de mettre fin sans retard au différend qui existait entre les chanoines de Notre-Dame d'Étampes et les clercs de Sainte-Croix.
A. Original perdu.
B. Copie du xve s., Cartulaire de Notre-Dame d'Étampes, Archives départementales des Yvelines, J 2786, fol. 2 avec l'indication : sigillata sigilli magni cere albe.
a. Fleureau, Antiquités d'Estampes, p. 386.
Texte établi d'après a et B.
Philippus Dei gratia Francorum rex. Amico et fideli suo Mauricio, venerabili Parisiensi episcopo, et dilectis suis abbati Sancte Genovefe, decano, cantori et cancellario Parisiensi, salutem et dilectionem. Causam que vertebatur inter canonicos ecclesie Beate Marie Stampensis et clericos Sancte Crucis vobis, episcope, decane, cantor, cancellarie, commisimus terminandam, et nos, vestro consilio usi, ecclesiam Sancte Crucis in manu nostra posuimus, ita quod neutra partium aliquid de jure possessionis in ea habeat; postmodum, lectis et exhibitis ante nos utriusque partis privilegiis, iterum eorum causam vobis delegari curavimus, volentes unicuique jus suum conservari. Unde et vobis mandantes obnixe rogamus quatenus, intuitu justitie, partibus hinc inde ante vos vocatis et privilegiis inspectis et allegationibus auditis, causam ipsam, mera justitia mediante et sine omnium personarum acceptione, sicut de vobis certam gerimus fiduciam, infra festum proximum Sancti Johannis Baptiste in dictis citationibus pro temporis angustia competentibus, appellatione et contradictione tam ad ecclesiam quam ad nos remota quia et in hoc partes ante nos consenserunt diffiniatis. Nolumus enim ut controversias et contentiones, que inter ecclesias nostras orte sunt, post discessum nostrum non sopitas relinquamus. Sententiam autem illam quam vos omnes vel illi ex vobis qui locis et diebus cum dictis poterunt interesse promulgaverint, nos, actore Deo, inviolabiliter faciemus observari et sigillo proprio confirmari. Quod ideo animarum vestrarum periculo committimus, quia animam nostram super hoc liberamus. Actum anno incarnati Verbi M C LXXXX, mense aprili.