1191, février. — Messine.
Philippe Auguste confirme à son chambellan Gautier une rente de vingt-cinq livres qu'Aliénor, comtesse de Beaumont, lui avait donnée sur les revenus de la prévôté de Paris.
A. Original perdu, se trouvait, selon B, aux «Archives de l'abbaye d'Ourscamp, layette des Testaments, pièce non cotée», et était écrit d'une «fort belle écriture».
B. Copie par Dom Grenier, Bibliothèque nationale, Collection Moreau, vol. 92, fol. 186, d'après A.
C. Copie par Dom Grenier, Bibliothèque nationale, Collection de Picardie, vol. 111, fol. 216, d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod dilecta nostra Alienordis, comitissa Belli Montis, donavit viginti quinque libras de redditibus Galtero, camerario nostro, et heredibus suis, perpetuo habendas annuatim in festo sancti Remigii in redditibus prepositure nostre Parisiensis; et nos donationi predicte benignum et gratum prebuimus assensum. Volumus autem et precipimus ut ille qui redditus prepositure nostre Parisiensis recipiet, quot diebus ultra predictum terminum redditus dictos vel partem reddituum detinuerit, tociens quinque solidos Galtero camerario vel heredi suo, pro emendatione, dabit. Quod ut perpetuam obtineat stabilitatem, sigilli nostri auctoritate et regii nominis karactere inferius annotato precepimus confirmari. Actum apud Messanam, anno incarnati verbi M° C° nonagesimo, mense februario, regni nostri anno duodecimo, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulfi constabularii.
Data vacante (Monogramme) cancellaria.