1191, 4 mars. — Tiron.
Acte faux
Philippe Auguste confirme les droits accordés aux religieux de Tiron par son père et son aïeul, notamment en ce qui concerne les garennes des forêts et des eaux possédées par le monastère.
A. Original perdu.
B. Copie du 12 mai 1490 par le garde des sceaux de la châtellenie de Bréval, Archives départementales des Yvelines, G 542, d'après une copie faite « in camera Parlamenti » le 25 septembre 1484 d'un vidimus donné aux Montils-les-Tours par Louis XI le 27 décembre 1469.
C. Mauvaise copie du xviiie s., Archives nationales, K 177, liasse IV, n° 39, d'après A.
a. Ordonnances des rois de France, t. XVII, p. 273, d'après un vidimus de 1469 faisant partie des «chartes de la chambre des comptes, lettre K, n° 181».
Indiqué : Bibliothèque municipale d'Orléans, ms. 489 (3943), fol. 62.
Texte établi d'après Ca.
In nomine sancte et individue Trinitatis. Amen. Opere pretio dignum est et summe decentie ut ea que patres pia devotione sanctissimis ecclesiis precipue que religiosis locis largiti sunt, eorum filii rata et firma tenentes adimpleant, sicut sua vellent largita a posteris impleri, a quibus etiam potuissent, sua integraliter alibi dando, omnem eis calumpniandi materiam abstulisse. Hiis et avi ac patris nostrorum nostreque animarum salute moti, nos, Philippus Dei gratia Francorum rex, largitiones quasdam per dictum avum nostrum, Hludovicum dive memorie, tunc illustrem et devotum regem, dilectissimis nobis (sic) religiosis Tironensibus et eorum monasterio ab ipso fundato concessas, sicut inferius descripte sunt, laudamus, confirmamus, approbamus, volentes, prout ipse voluit et largitus est, quod ipsi monachi Tironenses et eorum successores forestis, lucis et nemoribus, terris, possessionibus et hereditatibus quibusvis, fluminibus, stannis, rippariis, ceterisque discursibus aquarum in suis terris vel dominiis quas nunc habent, vel inposterum habebunt existentibus, garennarum habeant jura ipsius etiam monasterii ac in ipso et ejus membris degentium religiosorum et suorum conversorum, donatorum, servitorum, familiarium, et bonorum in quocumque regni nostri solio existentium, presentium et futurorum tuitionem et gardiam in nos successoresque nostros Francorum reges sicuti imperpetuum suscepit sic et suscipimus, habemus et tenemus, firmiter, ut ipse inhibuit, inhibentes ne quis eis injuriam vel violentiam inferre, earumve bona substrahere seu aliter ipsos damnificare, vel in eorum possessionibus vel aquis premissis quicquid capere, nisi de ipsorum religiosorum licentia, quomodolibet audeat in futurum. Per quemcumque autem clientulorum nostrorum per ipsos requisitum volumus, sicut et ipse avus noster voluit, eos suosque conversos, donatos, familiares et quoslibet servitores et eorum bona in ipsa tuitione et gardia regia manuteneri et custodiri, et ipsam eis quibus requisiti fuerint significari et intimari, ac ejus violatores in jus coram justitiariis regiis per ipsum clientulum vocari; quod si in premissorum aliquo quisquam culpabilis deprehensus fuerit extitisse, dextere detruncatione vel alia pena debita percellatur. Abbatem quoque ipsius monasterii Tironensis presentem et ejus imperpetuum successores, sicut ipse voluit, sic et volumus et tenemus de domo, familia et consultu regiis esse ac familiarium et consiliariorum regiorum libertatibus gaudere, sicut largitus est et concessit, sic et largimur et concedimus in perpetuum. Volumus insuper et confirmamus eis, sicuti avus ipse noster eis largitus est, ipsos religiosos Tironenses et suos conversos, donatos, servitores et homines, sive in vel sub ipso monasterio, sive in vel sub ejus membris et alibi ubilibet moram tenentes, presentes et posteros, quos abbas Tironensis per suas litteras affidaverit et certificaverit suos esse, ab omni pedagio, traversu, tabernagio, mensuragio, pavagio, tallia et alia quavis consuetudine et exactione seculari in omni regni nostri solio et districtu liberos imperpetuum esse et immunes. Ut autem eo magis hee largitiones ipsis religiosis perpetuum robur obtineant, ipsas stabiles et inconcussas perpetue manere decernimus, inde bone nostram confirmationis et roborationis paginam sigilli regii auctoritate et nominis nostri karactere munitam eisdem concedentes. Acta sunt hec in dicto monasterio, quarto nonas martias, anno ab incarnatione Domini millesimo centesimo nonagesimo, regni vero nostri undecimo, astantibus nobiscum in ipso quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii.
Data vacante (Monogramme) cancellaria.