1191, juillet.

Acte rédigé au nom du roi, relatif à l'abandon fait par Guillaume de Garlande aux moines de Saint-Martin-des-Champs de plusieurs droits d'usage que ce seigneur avait prétendu avoir dans le bois de Noisy.

Référence : Henri-François Delaborde et Elie Berger (éd.), Recueil des actes de Philippe Auguste roi de France. Vol. 1 : Années du règne 1 à 15 (1er novembre 1179 - 31 octobre 1194), Paris, 1916, no390.

A. Original perdu.

B. Copie du xiiie s., Cartulaire A de Saint-Martin-des-Champs, Archives nationales, LL 1351, fol. 28.

C. Copie du xve s., Cartulaire B de Saint-Martin-des-Champs, Archives nationales, LL 1352, fol. 28.

D. Copie du xvie s., Cartulaire C de Saint-Martin-des-Champs, Archives nationales, LL 1353, fol. 27.

E. Copie du xviie s., Cartulaire D de Saint-Martin-des-Champs, Archives nationales, LL 1354, fol. 92.

a. A.-E. Genty, Livry et son abbaye, recherches historiques, Paris, 1898, p. 11, note 2.

b. J. Depoin, Recueil des chartes et documents de Saint-Martin-des-Champs, t. III, Abbaye de Ligugé/Paris, 1917, p. 108, n° 516, d'après B, C et D.

In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Willelmus de Garlanda, assensu et voluntate Idonee, uxoris sue, et filiorum suorum Roberti et Theobaldi, usuarium quod ex predecessorum suorum violenta exactione magis quam ex juris equitate in nemore de Nusiaco sibi vindicabat, de errore resipiscens, monachis ecclesie Beati Martini de Campis in perpetuam contulit elemosinam, acceptis tamen de beneficiis et caritate ipsius ecclesie centum libris Parisiensium; totum itaque usuarium et quicquid in eodem nemore sui juris esse dicebat vel hominum suorum inter castrum de Gornaio vel extra manentium, et totum usuarium quod ad pontes de Gornaio et cauceas reficiendas exigebat, in presentia A[dele] regine, karissime matris nostre, quitum clamavit et omnino guerpivit, ita quod amodo nec sibi nec alicui heredum suorum vel hominum suorum, aliqua necessitate vel occasione aliquid inde accipere licebit. Quia vero Willelmus, primogenitus suus, absens erat et peregre profectus, et quia predicti Robertus et Theobaldus infra annos pubertatis erant, legitimos vades (sic) et fidejussores interposuit qui ipsum Guillelmum, filium ejus a peregrinatione reversum, et Robertum et Theobaldum, cum milites fuerint, elemosinam parentum suorum laudare et concedere facient. Hii sunt fidejussores fide prestita: Radulfus de Buci, Droco de Bri, Petrus de Nuuilli, Balduinus de Campis, Clemens d'Arraz, Otho de Alnai. Quod si fidejussores predictos filios illi[u]s huic donationi adquiescere facere non poterint, centum libras Parisiensium ecclesie Beati Martini restituere tenentur. Hoc autem voluit et concessit predicta Idonea, in presentia Ade, clerici nostri, et Andree, cambellani nostri, et Hugonis de Mollento et Nicholai Bocelli et Athonis de Gravia et Ebroini Cambitoris. Hanc autem elemosinam, ne possit in posterum infirmari, predictus Willelmus sigilli sui munimine fecit roborari. Quod ut ratum et inconvulsum permaneat, ad utriusque partis petitionem, sigilli nostri auctoritate confirmatur, astantibus Andrea, cambellano nostro, Athone de Gravia, Ebroino Cambitore, Balduino Burnelli, in quorum audientia carta sigillo predicti Guillelmi confirmata fuit. Nos vero prepositis et ballivis nostris districte precipimus quatinus ipsi istam elemosinam et omnes conventiones le[gi]timas sigillo nostro confirmatas illibate faciant observare, belli et placiti omni occasione relegata. Actum anno Verbi incarnati M° C° XC° I°, mense julii.