1192, du 5 avril au 31 octobre. — Hesdin.
Philippe Auguste confirme les dispositions prises par le feu comte Philippe de Flandre en faveur de l'abbaye de Saint-Josse-au-Bois, qui devra, en retour, célébrer chaque année l'anniversaire du roi.
A. Original perdu.
B. Copie du xviiie s., Cartulaire de l'abbaye de Dommartin, fol. 60 ancien ou 99 nouveau Archives du Pas-de-Calais.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, sicut ex autentico Philippi, quondam comitis Flandrorum, intellexerimus, idem comes ecclesiam Sancti Judoci de Nemore de quinque modiis et dimidio avene quam, pro advocatia tam ecclesie quam hominum ecclesie, singulis annis dicta ecclesia comiti exolvebat, liberam dimisit et quittavit tali conditione quod ecclesia illa marcam unam parvi ponderis, pro avena predicta, singulis annis, in Natali Domini exolveret comiti. Id autem quod avena illa valeret supra marcam prenominatam, mitteretur ad emendum panem et vinum ad conficiendum sacrificium altaris, et in ecclesia illa fieret anniversarium comitis. Nos igitur, pro salute anime nostre et genitoris nostri, pie recordationis regis quondam Ludovici, charissimi filii nostri Ludovici, antecessorum et successorum nostrorum, predictam elemosinam confirmamus. Abbas autem et capitulum predicte ecclesie nobis concesserunt quod, post decessum nostrum, singulis annis facient anniversarium nostrum. Quod ut perpetuam obtineat stabilitatem, sigilli nostri authoritate et regii nominis caractere inferius annotato presentem paginam precipimus confirmari. Actum Hisdinii, anno incarnati Verbi M° C° nonagesimo secundo, regni nostri anno 13°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum [Mathei] camerarii. Constabulario nullo.