1192, du 5 avril au 31 octobre. — Fontainebleau.
Philippe Auguste fait savoir que Baudouin d'Aubigny, seigneur d'Orville, lui a fait remise de l'hommage que le roi lui devait pour le château de Beauquesne et le lui a donné à cens.
A. Original perdu, scellé, selon B, «en cire jaune».
B. Copie du xviie s., « Histoire de la maison de Chastillon-sur-Marne », Bibliothèque nationale, français 18716, fol. 31, d'après A.
In nomine sancte et individuæ Trinitatis. Amen. Philippus Dei gratia Francorum rex. Noverint universi præsentes pariter et futuri quod Balduinus de Albiniaco, dominus Horreville, quittat nobis et heredibus nostris ex uxore legitima natis vel nascituris homagium quod ei debebamus de castello Belle Quercus, et adcensivit nobis feodum castelli ad quinque solidos Parisiensium singulis annis reddendos ad festum sancti Remigii, ita tamen quod, si nullum legitimum heredem post decessum nostrum haberemus, predictum feodum redibit ad dominum Horreville ad illum punctum in quo erat ante quittationem; et sciendum quod de cetero nullum recipiemus in castello jamdicto ex hominibus domesticis dicti Balduini, qui sunt ejus cubantes et levantes. Preterea homines Belle Quercus debent molere ad molendinos predicti Balduini apud Horrevillam, ad consuetudinem antiquam qua solent; et si alibi invenirentur ab eo vel a suis moluisse, farinam perdent et tres solidos pro emendatione dabunt. Ad hec, nullus eorum qui aliquid vendat vel emat apud Bellam Quercum de eo quod ibi vendiderit vel emerit teloneum apud Horrevillam dabit. Insuper quotiens predictus Balduinus necesse habuerit, in castello nostro receptaculum habebit, quandiu ante nos in curia nostra se justiciare voluerit. Que ut omnia perpetuam firmamque obtineant stabilitatem, sigilli nostri auctoritate et regii nominis caractere inferius annotato presentem paginam precepimus communiri. Actum apud Fontem Bleaudi, anno incarnati Christi millesimo centesimo nonagesimo secundo, regni nostri anno tertio decimo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Constabulario nullo.