1192 [août]. — Lens.
Philippe Auguste confirme les fondations faites dans l'église de Notre-Dame d'Arras par Élisabeth, comtesse de Flandre, ainsi que la rente de quarante sous que Philippe, comte de Flandre, avait donnée à la même église sur ses revenus de Bapaume.
A. Original perdu.
B. Copie de 1282, Cartulaire du chapitre d'Arras, Bibliothèque nationale, latin 17737, fol. 12 v°.
C. Mauvaise copie du xve s., sur papier, Archives du Nord, Chambre des Comptes de Lille, B 1478.
Indiqué : J. Finot, Liste des diplômes des rois..… conservés aux Archives du Nord, p. 24.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quoniam, sicut ex autentico Elizabeth, quondam Flandrie comitisse, intelleximus, ipsam, assensu mariti sui quondam Flandrie comitis Philippi, instituit capellanum quendam in ecclesia Beate Marie Attrebatensis, pro anima sua et animabus antecessorum suorum, ibidem Deo serviturum imperpetuum. Cui capellano ad victus sui necessaria contulit, de voluntate predicti comitis mariti sui, viginti libras Sancti Quintini monete, singulis annis, in Purificatione beate Marie percipiendas de traverso Perone; predicte etiam ecclesie Beate Marie concessit C solidos ejusdem monete, singulis annis, in die anniversarii sui, canonicis et universis vicariis et clericis chori qui officio intererunt distribuendos. Predictus autem comes Philippus, sicut ex carta sua intelleximus, dedit in elemosinam eidem ecclesie Sancte Marie Attrebatensi quadraginta solidos ad conficiendum sacrificium altaris, singulis annis accipiendos Bapalmis in redditibus suis, in dominica Pasche floridi. Nos igitur pro salute anime nostre et genitoris nostri pie recordationis regis quondam Ludovici, et karissimi filii nostri Ludovici, et predecessorum et successorum nostrorum, predictas elemosinas confirmamus, baillivis nostris Perone precipientes ut predicte ecclesie viginti libras dicte monete ad prefixum terminum, singulis annis, ad opus prefati capellani persolvant, et C solidos predictos eidem ecclesie ad opus anniversarii dicte comitisse. Baillivis autem nostris Bapalmarum precipimus ut jamdicte ecclesie prefatos quadraginta solidos, in die Pasche floridi singulis annis sine contradictione reddant. Que ut perpetuam obtineant stabilitatem, sigilli nostri auctoritate [et] regii nominis karactere inferius annotato presentem paginam precepimus confirmari. Actum apud Lens, anno incarnati Verbi M° C° nonagesimo secundo, regni nostri anno tercio decimo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Constabulario nullo.
Data vacante (Monogramme) cancellaria.