1193, du 1er novembre au 9 avril 1194. — Paris.
Philippe Auguste confirme la transaction conclue entre le chapitre de Notre-Dame de Paris et les hommes de Mitry, de Mory, de Moussy et du Tremblay.
A. Original perdu.
B. Copie du xiiie s., Livre noir du Chapitre de Notre-Dame de Paris, Archives nationales, LL 78, p. 299.
C. Copie du xiiie s., Petit Pastoral de l'église Notre-Dame de Paris, Archives nationales, LL 77, p. 118.
a. B. Guérard, Cartulaire de Notre-Dame de Paris, t. I, p. 286.
In nomine sancte et individue Trinitatis. Philippus Dei gratia Francorum rex. Noverint universi, presentes pariter et futuri quod Mychael, quondam decanus Parisiensis, et totum Beate Marie Parisiensis capitulum controversiam moverant contra homines de Mintri et de Moiri et de Moncello et de Tremblei, de hominio corporis quod decanus et capitulum ab eis exigebant. Tandem composuerunt cum eis tali pactione quod decanus et capitulum quitaverunt homines illos et heredes eorum de hominio et de tota illa querela, omnibus diebus. Homines autem illi, pro hac quitatione, terras quas prius tenebant ad terciam partem a decano et capitulo susceperunt ad medietatem solvendam, possidendas ab hominibus illis et eorum heredibus et jure hereditario colendas. Et hac conditione tenendi et colendi terras illas ad medietatem, a decano et capitulo quitati sunt prefati homines, salvis quidem decano et capitulo omnibus redditibus suis, quos prius in hostisiis vel censivis vel in aliis rebus ibi percipiebant decanus et capitulum. Illud etiam adjunctum est quod pro nulla citatione vel querela aliqua quam decanus et capitulum vel aliquis ex eis faciant, exibunt de potestate Mintri vel Moiri, hoc excepto quod ballivi sui, quamdiu ballivias eorum habebunt, Parisius se exhibebunt decano et capitulo, pro hiis que ad ballivias pertinent citati; si vero balliviam dimiserint, consuetudines aliorum hominum tenebunt. Ad hec istud adjunctum est quod decanus et capitulum plenitudinem habent justitie in atrio de Moiri libere et quiete, et nos id, salvo jure alieno, confirmamus. Actum Parisius, anno ab incarnatione Domini M° C° XC° III°, regni nostri anno XV°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante cancellaria.