1182, du 28 mars au 31 octobre. — Châteauneuf-sur-Loire.
Philippe Auguste fait savoir que Thibaud de Vrigny et Agnès, sa femme, du consentement d'Aubert de Pithiviers, ont vendu à Gilles du Tourneau ce qu'ils avaient à Varennes et dans la châtellenie de Châtillon-sur-Loing, et que Gilles a cédé ce même bien aux religieux de Saint-Benoît-sur-Loire en échange d'Escrennes.
A. Original perdu, «en parchemin et scellé», décrit sous le n° 23 de la liasse I dans l'inventaire de 1658 des titres de Saint-Benoît-sur-Loire.
B. Copie du xviie s. par Dom Estiennot, Bibliothèque nationale, lat. 12776, p. 475.
C. Copie du xviie s., Cartulaire de Saint-Benoît-sur-Loire, fol. 362, Archives départementales du Cher, G 121, d'après le cartulaire des xive-xve s., fol. 174.
D. Copie du xviiie s., Cartulaire de Saint-Benoît-sur-Loire, p. 381, Archives du Loiret, H 22.
E. Copie de 1725 par Dom Chazal, Historia monasterii Floriacensis, Bibliothèque d'Orléans, ms. 490-491, p. 799, d'après A.
a. Prou et Vidier, Recueil des Chartes de l'abbaye de Saint-Benoît-sur-Loire, t. II, p. 112.
In nomine sancte et individue Trinitatis. Amen. Philippus Dei gratia Francorum rex. Quod actum est legitime apud posteros inconcussum debet manere. Noverint ideo universi presentes pariter et futuri Theobaldum de Verigniaco et Agnetem, ejus uxorem, vendidisse Giloni de Torneello quidquid habebant in potestate et parrochia Varennarum et in castellania Castellionis super Lupam fluvium tam in feodo quam in proprietate et in hominibus de corpore. Que quidem omnia erant ex parte prefate Agnetis. Sciendum etiam Albertum de Piveriis ad cujus feodum hec contingebant, huic venditioni suum prebuisse assensum et memoratam Agnetem in hujus venditionis concessione milites ex parte sua nominasse, videlicet prefatum Albertum de Pyveriis, Herbertum de Ysy, Galerannum de Gaudigniaco, Paganum de Maugecourt, Guidonem fratrem vicecomitis de Fessart. Volumus preterea ad omnium notitiam pervenire Gilonem de Torneello cum ecclesia Sancti Benedicti super Ligerim omnia predicta, que a Theobaldo et ejus uxore emerat, commutasse pro eo quod eadem ecclesia apud Scrinias habebat et ad prioratum Loriaci pertinebat, Theobaldo de Verigniaco et Alberto de Piveriis presentibus et annuentibus, eodem etiam Alberto prefate ecclesie feodum suum quittante et super altare beati Benedicti resignante. Recepit autem Gilo de Torneello ab abbate et ecclesia beati Benedicti illam de Scriniis in feodum et hominium commutationem. Que omnia ut rata permaneant perpetua et inconcussa, ad petitionem predictarum personarum confirmamus et id quod ecclesia beati Benedicti nomine hujus commutationis a sepedicto Gilone recepit conservandum manucepimus, sicut et ceteras ejusdem ecclesie possessiones tenemur conservare. Unde et presentem paginam sigilli nostri authoritate ac regii nominis charactere inferius annotato precepimus communiri. Actum apud Castrum Novum super Ligerim, anno incarnati Verbi MCLXXXII, regni nostri anno III, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii.
Data per manum (Monogramme) Hugonis cancellarii.