1195, du 1er novembre, au 20 avril 1196. — Vernon.
Philippe Auguste, sur le vu d'une charte de feu Galeran, comte de Meulan, et à la prière de Hugue, prieur de Saint-Nicaise de Meulan, confirme les aumônes et les coutumes concédées à ce monastère.
A. Original perdu, scellé en cire verte sur lacs de soie rouge et jaune, selon E, jaune, selon F, rouge, selon G.
B. Copie du xiiie s., Cartulaire de Saint-Nicaise de Meulan, Bibliothèque nationale, latin 13888, fol. 13 v°.
B'. Vidimus du garde de la prévôté de Paris, du 12 mars 1365 n. st., Archives nationales, P 19161, n° 32046, d'après A.
B''. Vidimus du garde des sceaux de la châtellenie de Meulan, du 16 décembre 1451, Archives nationales, L 440, n° 17, d'après B.
C. Copie du xve s., Bibliothèque nationale, Collection du Vexin, vol. 79, fol. 175, d'après B.
D. Copie du xviie s., p. 9 d'une copie du Cartulaire de Saint-Nicaise, Archives départementales des Yvelines, 24 H 2, d'après B.
E. Copie certifiée faite en 1649 par Dom Sébastien du Buscq, religieux de Saint-Germain-des-Prés, Archives départementales des Yvelines, 24 H 16, d'après A.
F. Copie du xviie s., Archives de Seine-et-Oise, même liasse, d'après A.
G. Copie de 1672, Chronicon Sancti Nicasii Melletensis par Dom Victor Cottron, p. 348, Archives départementales des Yvelines, 24 H 3, d'après A.
H. Copie du xviiie s., Archives nationales, K 191, liasse VIII, n° 2, d'après A.
I. Copie, Bibliothèque nationale, Collection du Vexin, vol. 4, p. 287.
J. Copie, Archives départementales des Yvelines, 24 H 9, 1ere liasse.
a. Michel Félibien, Histoire de la ville de Paris, t. III, p. 92, « tiré d'un imprimé de 1651 » qui le donnait d'après A.
b. É. Houth, Recueil des chartes de Saint-Nicaise de Meulan, p. 66, n° 55 (Publications de la Société historique de Pontoise et du Vexin, 1924).
La charte de Galeran confirmée par le roi (sauf en ce qui concerne des donations en Normandie) est de 1141.
Texte établi d'après B E G H.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos, inspecta carta Galeranni quondam comitis Mellenti, ad petitionem fratris Hugonis prioris Beati Nigasii de Mellento, pro salute anime nostre, elemosinas et consuetudines prefati monasterii, sicut in ipsius Galeranni carta continebantur, in presenti carta precepimus annotari sicut inferius scripte sunt. Videlicet quod idem Galerannus dedit Beato Nigasio et Beccensibus monachis in ipsius ecclesia Deo famulantibus theloneum mercati de Mellento integraliter sicut a predecessoribus suis Galeranno et Hugone comitibus et Roberto comite, patre suo, donatum et confirmatum est, scilicet ab hora qua signum ad nonam sonuerit quarta feria in ecclesia Beati Nigasii usque ad horam quinte ferie qua iterum in eadem ecclesia signum ad nonam sonuerit. Erit itaque theloneum universorum indifferenter que in eodem mercato Mellenti infra prescriptum terminum vendentur aut ementur sub jure Beati Nigasii ad usus monachorum perpetuo profuturum. Precepit etiam idem Galerannus, juxta quod in antiqua carta patris sui continebatur, omnibus baronibus, servientibus atque fidelibus suis ut mercatum Sancti Nigasii custodiant et attrahant melius quam si theloneum esset suum proprium. Insuper et eisdem prohibuit super fidelitatem quam sibi debebant ut nichil omnino contra voluntatem negociatorum ab ipsis accredant neque per vim auferant, nec eosdem in eundo aut redeundo vel in ipso mercato qualibet occasione disturbent. Addidit preterea quod nullus liber erit a thelonei solutione preter istos qui subscripti sunt : omnes videlicet infra castrum Mellenti et Mellentum villam et villam de Tessencort usu quotidiano commorantes aut famulus alicujus militis in castro Mellenti residentis custodiens aliquam domum domini sui extra Mellentum positam et vivens de pane domini sui, si tamen ipsa domus est de feodo Mellenti ; famulus etiam Gachonis de Pissiaco custodiens domum ipsius de Fresnes. Si quis alius deprehensus fuerit theloneum fraudulenter celasse vel in modo quolibet Beato Nigasio abstulisse, prepositus Mellenti de eo vindictam faciat et salva ejus vita et membris primum quidem cogat eum reddere ecclesie theloneum quod abstulerat, deinde quinque solidos pro forisfacto ablati thelonei priori aut monachis assignare compellat ; quos quinque solidos nullus condonare poterit excepto priore aut monachis ad quos indubitanter pertinere cognoscuntur. Preterea concessit prefate ecclesie Beati Nigasii absque ulla retentione totam decimam de redditu salis truncorum per aquam transeuntium et decimam molendinorum suorum de Mellento quorum molendinarii aut molendinorum firmarii tam bonum bladum ecclesie reddere debent quam bonum ad suos usus proprios servientes sui ab eisdem receperint. In festivitate beati Nigasii prepositus Mellenti annuatim de redditu comitis porcum quinque solidorum aut quinque solidos sicut monachi maluerint debet ex more eis reddere et celerarius comitis unum modium boni vini de vino comitis. Candelam etiam pretii trium denariorum de redditu comitis debet idem prepositus unoquoque sabbato portare aut mittere ad ecclesiam Sancte Marie Sanctique Nigasii pro comite. In dedicatione preterea, quando ecclesia infra insulam Mellenti in honore Dei genitricis Marie et sanctorum martyrum Nigasii, Quirini et Scuviculi a Gaufrido Carnotensi episcopo consecrata est, dictus Galerannus dedit Deo et beatis martyribus de redditu navium ante castrum Mellenti per fluvium Sequane transeuntium decem libras denariorum apud Mellentum publice currentium annuatim jure perpetuo in monachorum usus transituras et a preposito Mellenti reddendas, scilicet primam medietatem in introitu quadragesime et aliam medietatem mediante quadragesima. Galterus etiam vicecomes Mellenti sub eadem dedicatione dicto Galeranno comite presente et concedente spontaneus obtulit eidem sacrosancte ecclesie decem solidos denariorum quos in feodum de predicto navium redditu a comite Mellenti tenebat, singulis annis a preposito Mellenti dum comes ipsum feodum sibi retinuerit secretario Beati Nigasii persolvendos. Quod si illud de manu sua comes jecerit, quicumque ipsum feodum tenuerit ipsos decem solidos prefate ecclesie reddat. Simon etiam cognomento Malus Filiaster ibidem obtulit Deo et beatis martiribus quinque solidos annuatim persolvendos de feodo quem de comite apud Mellentum in aqua tenebat. Concessit etiam idem Galerannus prefate ecclesie ecclesiam Sancti Nicholai in novo castro extra insulam Mellenti constitutam sicut ex dono patris sui acceperat in perpetuum possidendam ; similiter et ecclesias Sancti Gervasii et Sancti Johannis que sunt site Parisius in vico qui dicitur Greva ; sed et secundam decimam post primam decimationem de domestica quarruca sua de Vallis, sive in manu sua sit sive ad firmam vel censum eamdem aliquis de manu sua receperit, videlicet pro brevibus suis que monachi Beati Nigasii debent facere ubi a preposito suo vel ab aliis servientibus suis rogati fuerint. Feriam quoque quam nomine alio mercatorum nundinas dicunt, sicut karissimus pater noster rex quondam Francorum Ludovicus prefate ecclesie scripto proprio confirmavit, idem Galerannus concessit cum omnibus consuetudinibus et utilitatibus quas feria reddere debet. Inhibuit etiam ne aliquis servientium aut hominum suorum ab aliquo ad ipsam feriam veniente aliquod debitum vel consuetudinem exigere presumat, sed quicumque ad eamdem feriam venerint libere et quiete veniant, libere et quiete negotia sua faciant, libere et quiete recedant, prefate ecclesie debitum tantummodo reddentes. Universa denique que a primis suis fundamentis prefata ecclesia largitione predecessorum suorum vel oblatione fidelium usque ad tempus suum conquisivit vel conquisitura est deinceps, sive etiam jure emptionis, dictus Galerannus carte sue munitione confirmavit. Nos igitur omnia predicta ut perpetuum robur obtineant, sigilli nostri auctoritate et regii nominis karactere inferius annotato presentem paginam salvo jure alieno confirmamus. Actum apud Vernonem, anno ab incarnatione Domini M° C° nonagesimo quinto, regni nostri anno decimo septimo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante (Monogramme) cancellaria.