1196 [mars.]. — [Étampes].
Philippe Auguste fait savoir à quelles conditions Guillaume, abbé de Cuissy, et les religieux du même lieu l'ont associé à leurs droits sur le territoire de Dizy pour y fonder un village.
A. Original perdu.
B. Copie du xviiie s., Bibliothèque nationale, Collection de Picardie, vol. 267, fol. 73, n° 23 d'une série intitulée Chartae Cuissiacenses.
a. C.L. Hugues, Ordinis Praemonstratensis annales, t. I, Preuves, col. 79.
b. Ordonnances des rois de France, t. XI, p. 275, d'après a.
c. Max. Melleville, Dictionnaire historique du département de l'Aisne, t. I, p. 341, article Dizy-le-Gros, d'après un Cartulaire de Cuissy.
Texte établi d'après Bc et d'après la charte de l'abbé de Cuissy mentionnée p. 62, note 2.
Philippus Dei gratia Francorum rex. Noverint universi presentes pariter et futuri quod Willelmus abbas Cuissiacensis et ejusdem ecclesie conventus colligunt nos in toto territorio suo de Disiaco tam in plano quam in bosco et haia, pro villa ibi facienda, ita tamen quod ipsi sibi retinent ibi quindecim carrucatas terre cum grangia et porprisio grangie, qualis est hodie, et decimam territorii cum altaribus et presbiterio, hoc modo quod omnium proventuum qui ex predicta terra in qua nos colligunt provenient tam ex villa quam ex hospitibus et universis aliis rebus, exceptis predictis, nos medietatem habebimus et ipsi aliam medietatem ; sed sciendum quod de legatis et elemosinis de dicto territorio sic erit : homo illius territorii terram alii ecclesie quam ecclesie Cuissiaci legare non poterit et totius terre illius territorii que ad eos ex elemosina provenerit, nos medietatem habebimus, et ipsi aliam medietatem ; neque nos neque heredes nostri reges Francorum terram predictam extra manum nostram ponere poterimus. Nos autem ecclesiam Cuissiacensem cum omnibus rebus suis per jus et rationem in nostra suscipimus protectione et predicti abbas et conventus a tribus modiis frumenti laudabilis, quos annuatim nobis debebant de tensamento, liberi erunt et quieti. Ballivius qui ibi erit, quotiescumque mutabitur, ecclesie Cuissiacensi fidelitatem faciet de jure suo eidem ecclesie conservando. Quod ut perpetuam sortiatur stabilitatem, sigilli nostri autoritate et regii nominis caractere inferius annotato presentem paginam roboramus. Actum anno ab incarnatione Domini millesimo centesimo nonagesimo quinto.