1196, du 21 avril au 31 octobre. — Paris.
Philippe Auguste confirme les coutumes et franchises jadis accordées par Robert, comte de Flandre, à la ville de Hénin-Liétard et confirmées en 1144 par le comte Thierry.
A. Original perdu.
B. Vidimus par Philippe le Hardi daté de juillet 1280, conservé aux Archives municipales de Hénin-Liétard et détruit pendant la guerre de 1914-1918.
C. Mauvaise copie de la fin du xiiie s., Premier cartulaire d'Artois, Archives du Nord, B 1593, fol. 102, pièce 274, d'après B.
D. Copies modernes et traductions énumérées dans c.
a. L. Dancoisne, Recherches historiques sur Hénin-Liétard, dans les Mémoires de la Société d'agriculture ... du département du Nord, séant à Douai, année 1845-1846, p. 530, d'après B. (Traduction française, ibidem, p. 362).
b. Paul Thomas, Textes historiques sur Lille et le Nord de la France avant 1789, imprimés et inédits, t. II, p. 269, d'après C et a (avec commentaire et traduction française, p. 266).
c. G. Espinas, Documents relatifs à l'histoire du Droit municipal en France, Artois, t. II, p. 555, n° 485. Cf. p. 575, n° 491.
Il faut noter que l'édition de G. Espinas (cf. c), qui divise le texte en 12 articles, comporte bien l'invocation, ce qui rassure complètement sur l'authencité du diplôme royal.
Indiqué : J. Finot, Liste des diplômes des rois carolingiens et des premiers rois capétiens conservés aux Archives du Nord, p. 25, n° IX.
Texte établi d'après Ca.
L'acte du comte Thierry, de 1144, n'a pas été conservé, et Th. De Hemptinne et A. Verhulst n'ont fait que reprendre le texte de celui de Philippe Auguste dans leur édition De oorkonden der Graven van Vlaanderen, t. II, vol. 1, Bruxelles, 1988, n° 77, p. 125-127. Cette perte nous prive de la possibilité de connaître ce que la chancellerie a exactement repris de l'acte confirmé. Il est vraissemblable qu'en plus des articles 1 à 17, quelques lignes de l'introduction, dont la date, appartiennent au texte primitif. Ce serait, nous semble-t-il, le plus ancien document qui comporte ainsi quelques phrases du préambule et la date de l'acte rapporté. On s'achemine peu à peu vers la réalisation d'un véritable vidimus.
Carta ville de Hennin.
Philippus Dei gracia Francorum rex. Noverint universi presentes pariter et futuri quod constitutiones et libertates ville que vocatur Hennin, quas comes Robertus communi assensu baronum suorum constituit, constitutas laudavit ; comes autem Theodoricus, postea dominus et advocatus prefate ville existens, constitutiones et libertates ejusdem, quas antecessor suus videlicet comes Robertus constituit, pejorare vel infirmare noluit, sed sigilli sui impressione anno Dominice incarnationis M° C° XLIIII° Attrebati has confirmare fecit, scilicet :
[1.] De unoquoque curtillo, in festivitate sancti Remigii, debet hospes IIIIor denarios de censu ; a feria secunda post festivitatem sancti Remigii ad XV dies, XVI denarios de placito ; ab eadem festivitate usque ad medium martii, XIIII doucellos avene de ostagia ; in die Nativitatis Domini, VII denarios et duos panes et II capones de censu ; a die lune post Epiphaniam que vocatur parjura ad dies XV, XVI denarios de placito ; similiter a die lune post Pascham ad dies XV, XVI denarios de placito ; in festivitate sancti Johannis Baptiste, XII denarios pro ariete.
[2.] Si itur in hostem, XVI denarios debet hospes de curtillo semel tantum in anno ; si vero non itur, nil datur, et si bis itur nichil dabitur nisi prius annus compleatur. Per nummos istos qui sic dantur, burgenses liberi sunt ab expeditione exercitus et equitatus extra territorium ville.
[3.] Hospes, sive clericus, sive laicus, cujuscumque sit, sive sancti Martini, sive militum, sive dominorum, quantumcumque teneat, sive parum, sive multum, de curtillis et de mansionibus secundum redditum earum que infra ambitum ville, ubicumque sint, continentur, VI servicia tantum per annum solvere debet ; subhospes, tria. Quorum si exigitur unum tantum in martio debetur [et] unum in augusto ; reliqua vero servicia vel omnia per singula tempora ; et ita ut in eadem die quiete et pacifice perfici possit illud servicium. Si in servicio illo aliquid amittit, dominus persolvere debet. Quicumque vero servicium debet, quo[d] servicio necesse est secum deferat et, si non habet, sine culpa remanet et dominus querat quod necesse est.
[4.] De XV cerionibus lini qui in territorio ville crescunt et ruiuntur, dum hospes habet, si dominus mittit, sextum decimum dabit ; si vero nec crescunt nec ruiuntur, nichil.
[5.] Si quando domino hospites accreverint, hospes qui sub domino est et manet culcitram prestabit, et ad voluntatem hospitis reddi debet qui habere voluerit. Si autem infirmus hospes vel infirma jacet, non prestabit ; subhospes, nichil.
[6.] De unaquaque camba que sita est in curticulo, de renta duas cupas cervisie de unoquoque brassino [prestabit].
[7.] Si, cujuscumque sit, hospes moritur, vidua dabit quatuor denarios ; mortuo patre et matre, filius dabit duos solidos domino cujus est hospes.
[8.] Qui voluerit curtillum et domum suam vendere, vendat cui vult, et quatuor denarios debet pro exitu ; qui emit, duos solidos de introitu.
[9.] Si vero subhospes moritur vel curtillum vendit, hec eadem debeantur hospiti et non domino.
[10.] Quicumque hortum suum vel herbarium suum tenet, cui vult vendat, et de exitu et de introitu nichil dabitur, nec alicui aliquod servitium debet. Si autem aliquis hospiti vel subhospiti curtillum vel mansionem, de qua solverit redditum, vel successoribus eorum denegaverit, secundum usum ville et statum judicio scabinorum vel hospitum debet causa tractari.
[11.] Quicumque in villa manserit vel mansionem habuerit a theloneo et advocatione a comite et a dominis liber factus est, et in tutela et adjutorio ville remanere debet, et hoc nemo debet contradicere.
[12.] Si forte super aliquem dominus placitare voluerit, homo ville de occasione et advocatione domino non respondebit quia domini ville et tol et pri et bannum nequeunt super homines facere.
[13.] Si vero dominus hominem mandaverit et non venerit, non potest convinci sine scabinis et comparibus suis.
[14.] Qui panem facit in villa debet domino credere V solidos ; qui cervisiam facit, V solidos ; qui medonem facit, V solidos ; qui carnem vendit, V solidos ; qui ceram vendit, V solidos ; qui vinum vendit, X solidos. Quod si plus hiis quesierit, non credetur ei quousque persolverit.
[15.] De unoquoque statu ubi panis seu caro vel plures merces venduntur, solventur tantum IIII denarii in festivitate sancti Remigii.
[16.] Sciatis pro certo, ut valli munitionem et firmitatem tocius ville et hec omnia supradicta burgenses et domini et coheredes sui absque perjurio nequeunt pejorare. Si autem aliquis burgensis vel propria manu seu per pecudem suam eamdem munitionem fregerit, forisfactum in manu burgensium et non dominorum ad restaurationem munitionis remanebit.
[17.] Hec autem omnia si quis dominorum vel burgensium vel militum infirmare vel destruere temptaverit, Flandrensis comes viriliter retinere et conservare debebit.
Que omnia, salvo jure nostro et alieno, confirmamus et, ut perpetuam obtineant stabilitatem, sigilli nostri auctoritate et regii nominis caractere inferius annotato presentem paginam communimus. Actum Parisius anno Domini M° C° XC° sexto, regni nostri anno decimo septimo, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante cancellaria.