1196, du 21 avril, au 5 avril 1197.

Philippe Auguste fixe les sommes qui lui sont dues désormais par les hommes de Beaune, Chivy, Courtonne, Verneuil, Bourg, Comin, Cerny et Chamouille, lesquels forment une seule commune. Les six premiers villages, pour obtenir une institution de paix, avaient dû consentir au doublement des tailles et des revenus en deniers dus au roi.

Référence : Henri-François Delaborde, Charles Petit-Dutaillis, Jacques Monicat et Clovis Brunel (éd.), Recueil des actes de Philippe Auguste roi de France. Vol. 2 : Années du règne 16 à 27 (1er novembre 1194 - 31 octobre 1206), Paris, 1943, no536.

A. Original perdu.

B. Copie du xiiie s., Registre A de Philippe Auguste, fol. 16.

C. Copie du xiiie s., Registre C de Philippe Auguste, fol. 36, d'après B.

D. Copie du xiiie s., Registre E de Philippe Auguste, fol. 98, d'après C.

E. Copie du xiiie s., Registre F de Philippe Auguste, fol. 71, d'après D.

F. Copie du xive s., Registre B de Philippe Auguste, fol. 13 v°, d'après B.

G. Copie du xive s., Registre D de Philippe Auguste, fol. 41 v°, d'après C.

H. Copie du xviiie s., Bibliothèque nationale, Collection De Camps, vol. 27, fol. 56, d'après un Cartulaire de Philippe Auguste.

a. Ordonnances des rois de France, t. XI, p. 276, d'après G.

Texte établi d'après B.

[Carta] Belne, Chivi, Cortone, Vernolii, Burgi et Comi.

Philippus Dei gratia Francorum rex. Regie majestatis interest ut, si quando sua benignitate hominibus suis aliquod beneficium contulerit, ne oblivionis nubilo pereat, per scriptum autenticum posteris declarare (sic). Idcirco notum facimus quod homines istarum sex villarum scilicet de Belna et de Chivi et de Cortona et de Vernolio et Burgo et de Comi, pro institutione pacis temporibus nostris formate, hanc nobis conventionem habuerunt. Consuetudinarias tallias, quas nobis annuatim persolvere consueverant, duplicatas persolvebant et omnes redditus nostros denariorum, tam in placitis quam in aliis rebus, etiam duplicabant. Homines tamen de Cerniaco et de Chamolia, qui pariter de eadem erant communia, nullos nobis redditus duplicare debebant. Et cum predicte sex ville pluribus annis nobis et capitale et duplicationem exsolvissent, assensu et voluntate earumdem villarum, tam capitale quam duplicationem in summam XLIIIIor librarum laudunensis monete modo currentis posuimus, ita quod jam nominate sex ville, per istas XLIIIIor libras laudunensis monete quas nobis annuatim in festo sancti Remigii persolvant, a supra memorata conventione pro pacis instauratione formata scilicet de duplicatione, sicut dictum est, libere et quitate super hoc imperpetuum remanebunt. Sciendum tamen quod prefate sex ville cum Cerniaco et cum Chamolia, que pariter ejusdem sunt communie, pro institucione pacis similiter quindecim libras monete in illa patria currentis in festo sancti Remigii annuatim simul nobis reddere tenentur, salva prefata reddituum duplicatione et placitorum, propter quam duplicationem cum ipso capitali prescriptas XLIIIIor libras laudunensium semper habebimus. Quia vero hujus duplicationis conventio in carta autentica quam a nobis habent continetur, ipsa carta non potuit nec debuit innovari hac de causa. Sepe dicte sex ville nobis consuetudinarias tallias et redditus, sicut superius dictum est, duplicabant et due alie ville scilicet Cerniacum et Chamolia nichil duplicare debebant. Et cum carta autentica quam a nobis habent ipsis octo villis de eadem communia existentibus communis habeatur, conventio tamen duplicationis propter exceptionem duarum villarum communitatem non obtinet. Quia vero ista ratione ipsam cartam oporteat sine innovatione observare benigne laudamus et regia auctoritate concedimus ut conventionem istam scripto autentico confirmatam carta nullo tempore possit expugnare vel irritare, salva tamen carta in universis divisionibus et concessionibus nostris, hac tamen conditione pluribus annis post cartam reformata integra sine diminutione et interruptione perpetuo remanente. Ut autem hoc totum firmam in posterum obtineat tranquillitatem, regia auctoritate confirmantes scripto autentico roborari precepimus. Actum anno incarnationis Dominice M° C° nonagesimo sexto.