1196, du 1er novembre, au 5 avril 1197. — Mantes.
Philippe Auguste, du consentement de l'abbé et du chapitre de Cuissy, règle les privilèges des hommes de Dizy et leurs devoirs envers lui.
A. Original perdu.
B. Copie du xive s., très exactement du 30 avril 1356, Archives nationales, JJ 84, n° 541, d'après un vidimus de A, donné par le roi Jean en 1356.
C. Copie par Dom Grenier, Bibliothèque nationale, Collection de Picardie, vol. 231, fol. 180, d'après les archives de l'abbaye de Cuissy.
a. Ordonnances des rois de France, t. IV, p. 341, d'après B.
Texte établi d'après BC.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos hanc libertatem concedimus hominibus de Disiaco, assensu abbatis et capituli de Coissiaco. Predicti homines non ibunt in exercitum nec in equitationem per justiciam nostram, quin possint ad domos proprias usque ad noctem reverti. Ab omnibus exactionibus et ab omni taillia liberi erunt, neque nos neque abbas extra dictam villam compellemus placitare. In placitis illius ville tenebuntur et observabuntur judicia & usus Laudunensium hominum, excepto quod Laudunensis episcopus nullam habebit justiciam in villa de Disiaco nisi de christianitate. Major et scabini de Disiaco facient nobis et abbati et capitulo de Disiaco fidelitatem de jure nostro manutenendo. Quelibet masura reddet nobis annuatim in crastino festi sancti Remigii unum sextarium frumenti et unum sextarium avene ad mensuram de Nisiaco, et in crastino Omnium Sanctorum duodecim denarios Parisienses et duos capones. De furno, de singulis tricenis panibus habebimus unum panem. In foro ejusdem ville nullus hominum dicte ville dabit tonlerium de re quam emet. Que ut perpetuam obtineant stabilitatem, sigilli nostri auctoritate et regii nominis karactere inferius annotato presentem paginam precepimus confirmari. Actum Medunte, anno incarnati Verbi M° C° nonagesimo sexto, regni nostri anno decimo octavo ; astantibus in palatio nostro quorum nomina supposita sunt et signa. Dapifero nullo. Signum Guydonis buticularii. Signum Mathei camerarii. Signum Droconis constabularii.
Data vacante (Monogramme) cancellaria.