1180, du 20 avril au 18 septembre. — Orléans.
Philippe Auguste affranchit de toute taille et de tout service Pierre de la Chapelle, sergent des Bons-Hommes de la Coudre, tant qu'il remplira ses fonctions auprès d'eux, ainsi que celui de ses descendants qui lui succédera dans les mêmes fonctions.
A. Original perdu.
B. Vidimé en juin 1250 par l'official d'Orléans, Archives d'Eure-et-Loir, G 3231.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter ac futuri quod, ad petitionem fratris Petri et Bonorum Hominum de Corilo, intuitu Dei et ob remedium anime nostre et anime patris nostri, Petrum de Capella, servientem eorumdem, a tolta et tallia, ab exactione, exercitu et equitatione et a tallia panis et vini et ab omnibus aliis consuetudinibus liberamus et quitamus quamdiu servitio predictorum Bonorum Hominum de Corilo vaccaverit et quamdiu servitium ipsius eis placuerit; post decessum predicti Petri, unus heredum suorum qui servitium memoratorum Bonorum Hominum de Corilo facere voluerit et fecerit sicut iste fecit in vita sua, nos ipsi eandem libertatem et quitationem quam Petro concedimus. Quod ne inposterum ab aliquo perperam valeat retractari, presentem paginam sigilli nostri auctoritate ac regii nominis caractere inferius annotato roborari precepimus. Actum Aurelianis, anno ab incarnatione Domini millesimo centesimo LXXX°, regni nostri anno primo, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Reginaudi camerarii. Signum Radulphi constabularii.
Data per manum (Monogramme) secundi Hugonis cancellarii.