1200, [juillet]. — Vernon.
Philippe Auguste déclare que Renaud de Mello a juré à Philippe, évêque de Beauvais, que la maison qu'il tient de ce dernier à Bailleul serait toujours rendable, sur réquisition, aux évêques de Beauvais ; Renaud a donné Pierre de Milly, Dreu de Grandvilliers, Aubry du Quesnel, Eude d'Angivillers et Hugue de Gournay pour cautions qu'il ne ferait rien au détriment desdits évêques.
A. Original perdu, scellé, selon C, en cire verte sur lacs de soie rouge et verte.
B. Copie signée par Dom Grenier, Bibliothèque nationale, Collection Moreau, vol. 101, fol. 125, d'après le fol. 177 v° du Cartulaire I du chapitre de Beauvais aujourd'hui perdu.
C. Copie du xviiie s., Archives nationales, K 189, liasse 1, n° 6, fol. 2, d'après A.
Texte établi d'après BC.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Renaldus de Merloto juravit dilecto consanguineo nostro Philippo, venerabili Belvacensi episcopo, quod domus Balolii que de episcopo Belvacensi movet, ab ipso Renaldo et suis heredibus dicto episcopo et suis successoribus reddetur ad parvum negotium et ad magnum, quandocumque ipse Renaldus aut heredes sui de redditione domus a dicto episcopo aut a successoribus suis fuerint requisiti. Dicto autem Renaldo aut heredibus suis a predicto episcopo vel a successoribus suis reddetur domus illa, bona fide et sine malo ingenio, infra octo dies expleto negotio suo in eo puncto, adeo firma et munita sicut eis reddita fuerit. Dampnum vero nullum aut malum eveniet episcopo Belvacensi aut terre sue vel alicui ex parte sua per aliquem qui in domo illa maneat aut receptetur ; et si forte aliquo casu contigerit quod dictus Renaldus intercipiat super episcopum Belvacensem aut super ejus terram aut homines, sive etiam aliquis ex parte sepedicti Renaldi, quod absit ! per domum illam vel ex occasione domus illius interceperit, plegios apud episcopum dictus Renaldus constituit Petrum de Miliaco, Drogonem de Grandivillari, Albericum de Kesneel, Odonem de Angiviler, qui supra sacrosanctas reliquias juraverunt quod, absque fide mentiri quam eidem Renaldo debeant, eum relinquent et ad episcopum se tenebunt, auxilium et consilium suum ei impendentes donec interceptio illa plenius fuerit emendata. Infra quindecim vero dies absque fidei et juramenti lesione interceptiones debent emendari. Ut ergo pacis istius et pactionis forma firmior et securior permaneat, ad petitionem dicti Renaldi, Hugo de Gornaco bona fide creantavit quod, si forte a predicto Renaldo vel a suis heredibus forma ista pactionis lesa fuerit, Belvacensi episcopo totum auxilium et consilium suum prestabit. Ne ergo processu temporis sinistra malignantium recitatione quod bona fide actum est in posterum valeat perturbari, actionis hujus seriem duraturis apicibus et sigilli sui appositione dictus Renaldus communire curavit. Quod ut firmum et perpetuum robur obtineat, sigilli nostri auctoritate et regii nominis karactere inferius annotato ad petitionem utriusque partis presentem paginam precepimus confirmari. Actum apud Vernonem, anno Domini M° ducentesimo, regni nostri anno vicesimo primo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante cancellaria.