1200, du 1er novembre, au 24 mars 1201. — Anet.
Philippe Auguste confirme un accord conclu entre les chanoines de Notre-Dame d'Étampes et Richard de Chandoux au sujet de la mairie de Chandoux ; la famille de Richard renonce à tout droit héréditaire.
A. Original perdu.
B. Copie du xve s., Cartulaire de Notre-Dame d'Étampes, Archives départementales des Yvelines, J 2786, fol. 56.
a. Abbé J.M. Alliot, Cartulaire de Notre-Dame d'Étampes, p. 119, n° XCVI, d'après B.
Carta de confirmatione facta per regem inter capitulum predicte ecclesie et predictum Guillelmum de Chandoux super mairriam.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod contentio erat inter canonicos Beate Marie Stampensis, ex una parte, et Richardum de Chiendoux, ex alia, super mairriam de Chiendoux, quam dicebat se jure hereditario possidere, et de corveiis et de terra corveiarum quas dicebat se jure hereditario similiter possidere. Predicti vero canonici super hoc cum jamdicto Richardo et uxore sua et heredibus suis pacem fecerunt hoc modo quod Richardus et uxor sua et heredes sui majoriam illam in perpetuum abjuraverunt, ita quod ipsi deinceps nihil jure hereditario clamabunt in mairria illa, nec in corveiis, nec in terra corveiarum. Canonici autem Beate Marie, propter bonum hujus pacis, accomodaverunt predicto Richardo mairriam illam in vita sua tenendam ab eo ita quod, post ejus decessum, vel si intraverit religionem, mairria illa pacifice et quiete ad predictos canonicos integre revertetur, ita quod nullus heredum predicti Richardi in mairria aliquid clamare poterit, sed canonici de mairria predicta suam omnino poterunt facere voluntatem. In mairria autem illa sunt bonnagia et li destreit et investiture et summoniciones hominum de Chiendoux quando aliquis canonicorum Beate Marie Stampensis id preceperit. Corveie autem et terra corveiarum predictis canonicis Beate Marie remanent. Hanc pacem concessit idem Richardus se firmiter servaturum et similiter Aales uxor ejus, et Michael [filius] ejusdem Richardi, et Basilia filia Richardi, et Guillermus filius Richardi, et Aales et Amelina et Aanor filie Richardi et Aales. Quod ut perpetuum robur obtineat, ad petitionem utriusque partis, presentem paginam sigilli nostri auctoritate et regii nominis caractere inferius annotato precepimus confirmari. Actum Aneti, anno ab incarnatione Domini M° ducentesimo, regni nostri anno XX° secundo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante (monogramme) cancellaria.