1201, du 1er novembre, au 13 avril 1202. — Paris.

Philippe Auguste confirme les résultats d'une enquête faite sur son ordre par son bailli Guillaume de la Chapelle, pour régler le différend qui s'était élevé entre l'abbaye de Saint-Denis, l'église de Saint-Aignan et Gaucher de Joigny, au sujet d'un orme coupé dans la vallée de Saint-Leu entre les vignes de Saint-Denis et un pré de Saint-Aignan, enquête que le bailli avait en outre fait porter sur la voirie du pays.

Référence : Henri-François Delaborde, Charles Petit-Dutaillis, Jacques Monicat et Clovis Brunel (éd.), Recueil des actes de Philippe Auguste roi de France. Vol. 2 : Années du règne 16 à 27 (1er novembre 1194 - 31 octobre 1206), Paris, 1943, n^o689.

A. Original perdu.

B. Copie du xiii^e s., Cartulaire blanc de Saint-Denis, t. II, Archives nationales, LL 1158, p. 50.

In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod contentio erat inter ecclesiam Beati Dyonisii et ecclesiam Sancti Aniani et Galcherum de Joeniaco super ulmo quadam cesa que erat in valle Sancti Lupi, inter vineas de terra Beati Dyonisii et pratum de terra Beati Aniani. Nos autem Guillelmo de Capello, ballivo nostro, dedimus in mandatis ut ipse inquireret quis predictorum in hoc magis juris haberet. Ipse vero, per mandatum nostrum et coram mandato dicti Galcheri, inquisivit et comperit per juramenta hominum patrie qui neque pertinebant ad ecclesiam Beati Dyonisii, nec ad ecclesiam Beati Aniani, neque ad eundem Galcherum, quod magis (sic) jus est Beati Dyonisii quam aliorum. Similiter idem Guillelmus inquisivit de viatura quod (sic) est libere Beati Dyonisii. Homines autem qui predicta juraverunt, dixerunt per juramentum suum quod, tempore illo quo nos tenebamus terram illam quam idem Galcherus tenet, facte sunt domus in carrubiis et in viis que ibi non debebant esse et, propter hoc, cecidit domus que erat in carrubio ante domum Copechol. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam precepimus confirmari sicut in auctentico dicti Guillelmi continetur, Actum Parisius, anno incarnati Verbi M° CC° primo, regni vero nostri anno XX° III°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Drochonis constabularii.

Data vacante cancellaria (Monogramme).

Localisation de l'acte

Make this Notebook Trusted to load map: File -> Trust Notebook