1201, [fin décembre ?]. — Compiègne.
Philippe Auguste confirme l'engagement par lequel Guy et sa femme, fille de Robert, ayant reconnu le mal fondé des prétentions que, malgré une composition antérieure, ils avaient élevées contre l'église de Noyon au sujet de biens sis à Grugis et à Urvillers, ont juré devant lui d'observer dorénavant cette composition, et ce sous la garantie de leurs biens, que le roi saisira dès la première requête de l'église de Noyon, en cas de non-observation de leur part.
A. Original perdu.
B. Copie du xiiie s., Cartulaire du chapitre de Noyon, Archives de l'Oise, G 1984, fol. 118 v°.
C. Copie par Dom Grenier (avec analyse et identification), Bibliothèque nationale, Collection Moreau, vol. 103, fol. 13, d'après un Cartulaire du chapitre de Noyon, coté N, aujourd'hui perdu, fol. 21.
Texte établi d'après B C.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, sicut ex carta amici et fidelis nostri Stephani, venerabilis Noviomensis episcopi, cognovimus, cum, super longa contentione de Grougies et de Urviler, ecclesia Noviomensis cum filia Roberti, in presentia ejusdem episcopi, ac denuo cum ceteris reclamatoribus universis, ipso episcopo ad pacem mediante, in presentia karissimi avunculi et fidelis nostri Willelmi, venerabilis Remensis archiepiscopi et prenominati episcopi Noviomensis, sicut in ipsorum auctenticis continetur, amicabiliter composuisset, postmodum Guido, maritus predicte filie Roberti, compositioni tam sollempniter firmate contradixit eamque temptavit infringere atque ipsam ecclesiam et ejus homines contra formam pacis cepit graviter super hoc inquietare, asserens prefatam uxorem suam infra nubiles annos cum ecclesia Noviomensi composuisse. Verum, gratia Dei misericorditer procurante, dominis quoque et amicis ecclesie fideliter pro ea laborantibus, memoratus Guido et uxor ejus errorem suum recognoverunt et formam pacis prius facte, sicut in scriptis continebatur auctenticis, tactis sacrosanctis reliquiis, de cetero se in perpetuum observaturos juraverunt, ipsius Guidonis amicis et parentibus et uxoris sue avunculis, tam ex parte patris quam ex parte matris laudantibus et juramenti ac fidei religione interposita confirmantibus. Tenent siquidem predicta filia Roberti et sepefatus maritus ejus pro ea, jure hereditario, de ecclesia in feodum et ligeiam duas carrucatas terre et pratum apud Grougies, et aquam que est inter pratum et calceiam, et masuram unam extra Grougies et Urviler, salva in omnibus ecclesie decima et tam majore quam minore justicia. Totum itaque residuum abjurantes, se nichil amplius de cetero in toto territorio de Grougies et de Urviler reclamaturos seque hanc compositionem et pacem firmius observaturos coram dicto episcopo sollempniter juraverunt et coram nobis fiduciaverunt. Nos etiam rogaverunt quod, nisi hoc servaverint, cum totiens dicta ecclesia Noviomensis nos super hoc requisierit ad [istud], res ipsorum, Guidonis videlicet et uxoris ejus, nos capiamus donec id quod contra compositionem prescriptam fecerint emendetur. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam, salvo jure nostro, confirmamus. Actum apud Compendium, anno Domini M°CC° primo, regni vero nostri XX°III°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Data vacante cancellaria, per manum fratris Guarini (Monogramme).