1202, du 14 avril au 31 octobre. — Lyons-la-Forêt.
Philippe Auguste confirme aux religieux de Mortemer la possession de tout ce qu'ils tiennent des libéralités des rois d'Angleterre, y ajoute sept charruées de terre dans la forêt de Lyons, tous les essaims d'abeilles qu'ils trouveront dans la même forêt, avec leurs droits de pâture, de passage et autres aisances. Il leur confirme également la possession de tout ce qu'ils tenaient par suite d'autres dons ou d'achats antérieurs. Le roi exempte de péage dans ses domaines tout ce qu'ils transporteront sans intention de négoce, y compris les vins de leur récoltes, et les déclare justiciables de sa seule justice pour tout ce qu'ils posséderaient dans les limites de ses domaines.
A. Original perdu.
B. Copie du xiiie s., Registre E de Philippe Auguste, fol. 159 v°.
C. Copie du xiiie s., Registre F de Philippe Auguste, fol. 127 v°, d'après B.
D. Copie du dernier tiers du xive s., d'après un vidimus par Charles V, de mars 1377 (n. st.), contenant un vidimus par Philippe le Hardi, de 1294, contenant lui-même un vidimus par saint Louis, de décembre 1244, reproduisant un vidimus par Louis VIII, de [mars] 1225 (n. st.), Archives nationales, JJ 110, n° 264.
a. L. Delisle, Cartulaire normand, p. 13, n° 64, d'après B C D.
Texte établi d'après B D.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos abbatie et monachis Mortui Maris, pro salute anime nostre et antecessorum nostrorum, confirmamus quecunque ex donatione regum Anglie possident, videlicet totam vallem Mortui Maris usque ad terras de Lisorz, et granchias et terras in landa de Belfuissel et apud Bosquentin, omnes terras istas ad libitum suum excolendas. Concessimus etiam eis septem carrucatas terre, unamquamque scilicet carrucatam sexaginta acrarum ad perticam regiam que est pro mesurandis essartis de Lyons. Has autem septem carrucatas terre concessimus eis in foresta de Lyons scilicet supra Nogionem Siccum et supra Puccium et quamdam partem juxta culturas granchie sue de Bosquentin. Preterea concessimus eis ad luminaria ecclesie omnia vasa apum quecunque fratres eorum invenire poterunt per totam forestam de Lions, pasturas etiam suas et pasnagia et omnia aisiamenta sua in omnibus sibi necessariis, tam edificiis agendis quam ceteris actionibus suis, per totam eandem forestam libere et quiete imperpetuum. Preterea concessimus eis et confirmamus quecumque ex aliorum justa possident donatione vel emptione, granchias scilicet suas, Rollum, Bremuliam, Mesangeriam, Pomereiam, Montem Rosti, grangiam de Hunval, cum omnibus pertinentiis earum, domos suas in valle de Portmort et vineas in eadem valle et apud Vernonem mansuram unam et vineas, sicut carte donatorum vel venditorum testantur. Concessimus etiam eis ut ipsi, in toto posse nostro, tam per terram quam per aquam, tam per Vernonem quam per alia loca, ea que ad proprios usus emerint vel deportaverint, sine faciendo mercaturas, vel quecunque etiam vendiderint vel deportari fecerint, sine faciendo mercaturas, sicut diximus, absque pedagio et omni alia consuetudine possint deportare, insuper etiam vina sua, que in propriis vineis eorum creverint, ad faciendum voluntatem suam. Prohibemus etiam quod ipsi non implacitentur de ullo teneamento suo in potestate nostra nisi coram nobis vel coram capitali justitia nostra. Volumus etiam et precipimus, super forisfacturam nostram, ne quis super hiis aut super ulla re, que a nobis vel ab aliis eis collata fuerit aut concessa, eos inquietare vel aliquam molestiam inferre presumat. Quod ut perpetuum robur obtineat, presentem paginam sigilli nostri auctoritate et regii nominis karactere inferius annotato confirmamus. Actum apud Sanctum Dyonisium in Lyons, anno incarnati Verbi M° CC° II°, regni vero anno XXIII°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.