1182, du 1er novembre, au 16 avril 1183. — Paris.
Philippe Auguste fait connaître les conditions du traité de pariage qu'il a conclu avec Geoffroy de Concressaut au sujet de Concressaut.
A. Original scellé, a double repli, sur lacs de soie rouge, d'un sceau disparu. Hauteur, 275 mm.; largeur, 194 mm. Archives départementales du Cher, 13 H 7, n° 5.
a. Raynal, Histoire du Berry, t. II, p. 551, avec l'omission de quelques formules, d'après le Cartulaire de Saint-Satur brûlé en 1859.
b. J. Soyer, Les actes des souverains… conservés dans les archives départementales du Cher, fasc. II, p. 93, extrait des Mémoires de la Société des antiquaires du Centre, d'après A.
Indiqué : J. Soyer, même ouvrage, fasc. I, p. 52, d'après un inventaire des titres de Saint-Satur de 1689, conservé aux Archives du Cher.
In nomine sancte et individue Trinitatis. Amen. Philippus Dei gratia Francorum rex. Quod bona fide actum est fide bona debet observari. Noverint igitur universi presentes pariter et futuri quoniam inter nos et Gaufridum de Cucurciaudo, factis nostris mediantibus ac donis, ita convenit quod medietatem castelli quod Cucurciaudum nominatur et medietatem illius tocius castellanie habebimus, omnium videlicet que memoratus Gaufridus ibidem habebat tam in feodis quam in dominico; alteram medietatem habebit Gaufridus et de eadem homo noster erit ligius, et ad idem servitium quod Giloni de Soliaco debebat nobis tenebitur faciendum et ad eandem justiciam. Apud Cucurciaudum nostrum ponemus prepositum, et Gaufridus similiter suum, qui, quotiens innovabuntur, alter alteri fidelitatem prestabit super societate et fide invicem sibi servanda. In eodem castello quamcumque voluerimus firmitatem faciemus, et Gaufridus quamcumque voluerit firmitatem faciet. In quacumque re intra castellaniam illam contenta excreverimus, incrementi medietatem habebit Gaufridus. Ex hominibus matris Gaufridi apud Ennordam manentibus nullum in hospitem in terra nostra recipiemus. Volumus etiam ad omnium noticiam pervenire nos Gaufrido, ideo ut predicta concederet et daret, dedisse mille libras et quadraginta libras redditus apud Chaun, ita quod, si redditus nostri de Chaun non sufficiant ad summam XL librarum, quod inde deerit singulis annis apud Germiniacum ei supplebimus. Tenebit autem Gaufridus a nobis, sub titulo unius feodi, illas XL libras et medietatem Curcurciaudi cum medietate castellanie. Concessimus preterea quod, neque nos neque successores nostri reges Francie, predictum castellum extra manum nostram mittere poterimus. In eodem castello nulla ponetur consuetudo nisi per utriusque partis assensum, videlicet tam Gaufridi quam nostrum. Que omnia ut apud posteros inconvulsa permaneant et illibata serventur, presentem paginam sigilli nostri auctoritate et regii nominis karactere inferius annotato communiri precepimus. Actum Parisius, anno ab incarnatione Domini M° C° LXXXII°, regni nostri anno quarto, astantibus in palatio nostro quorum nomina supposita sunt et signa. Signum comitis Teobaudi, dapiferi nostri. Signum [Guido]nis buticularii. Signum Mathei camerarii. Signum Radulphi constabularii.
Data per manum (Monogramme) Hugonis cancellarii.