1202, du 14 avril au 31 octobre. — Vernon.
Philippe Auguste confirme, à la demande des parties, la cession faite à l'abbaye de Saint-Denis par Thibaud de Maudétour, chevalier, et son frère Hugue, chevalier, des droits qu'ils possédaient sur l'avouerie, la voirie et la justice de Boissy-Laillerie, ainsi que du fief que Hugue de Bouconvillers, chevalier, leur oncle, tenait d'eux sur les mêmes avouerie et voirie.
A. Original scellé en cire verte sur lacs de soie verte et rouge. Hauteur 135 mm. ; largeur 225 mm. Archives nationales, K 27A, n° 5.
B. Copie de la fin du xiiie s., Cartulaire blanc de Saint-Denis, Archives nationales, LL 1157, p. 629.
Indiqué : J. Tardif, Cartons des rois, p. 340, n° 728, d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Theobaldus de Maldestor, miles, consensu et voluntate Beatricis, uxoris sue, et Hugo, frater dicti Theobaldi, miles, quicquid habebant in advocatia et in viatura sive in justicia de Buxiaco Lalhieri nec non etiam feodum quod Hugo de Boconviler, miles, avunculus predictorum, in advocatia et in viatura ejusdem ville Buxiaci de predictis tenebat, propter salutem animarum suarum, ecclesie Beati Dyonisii dant et concedunt in elemosinam in perpetuum possidenda. Volunt etiam quod, si quis de heredibus suis aliquo tempore super donatione ista reclamaverit aut eidem ecclesie calumpniam aliquam inferre attentaverit, centum libras quas a prefata ecclesia predicti fratres Theobaldus et Hugo receperunt, eidem ecclesie restituat et preterea alias centum libras pro forisfactis et interprisionibus quas et predicti fratres et antecessores sui ecclesie fecerunt, in elemosinam a predictis ecclesie concessas memorate ecclesie nichilominus reddat. Nos vero, ad petitionem utriusque partis, donationem istam, quia est de feodo nostro, concedimus et salvo jure nostro confirmamus. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam roborari precepimus. Actum apud Vernonem, anno ab incarnatione Domini M° ducentesimo secundo, regni nostri vicesimo tercio, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Drochonis constabularii.
Data vacante (Monogramme) cancellaria, per manum fratris Garini.