1202, de décembre, au 5 avril 1203. — Paris.
Philippe Auguste bannit à perpétuité de son royaume Rioul, Corvin et Hector Le Meure, parjures envers la commune de Laon et violateurs de leur parole envers le roi, et les excepte seuls de l'abolition de tous griefs antérieurs au mois de décembre 1202, qu'il accorde aux membres de cette commune.
A. Original scellé en cire verte sur lacs de soie jaune et rouge. Hauteur 256 mm. ; largeur 245 mm. Archives nationales, Musée de l'Histoire de France, AE II 197.
B. Copie du xve s., Archives nationales, « Transcripta B » du Trésor des Chartes, JJG, fol. 78 v°, d'après A.
C. Copie du xviie s., Bibliothèque nationale, français 16650, fol. 224, d'après A.
D et E. Copies du xviiie s., Bibliothèque nationale, Collection de Picardie, vol. 110, fol. 42 et 43, d'après A.
F. Copie du xviiie s., Bibliothèque nationale, Collection Moreau, vol. 1707, fol. 3, d'après B.
a. A. Teulet, Layettes du Trésor des chartes, t. I, p. 238, n° 657.
Fac-similé : Photographie de A (fichier numérique consultable en ligne) dans la banque d'images (Archim) des Archives nationales : http://www2.culture.gouv.fr/Wave/image/archim/0015/dafanch06_s200039n00001_2.jpg.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos Riulphum, Corvinum et Hectorem Le Meure qui sunt perjuri erga communitatem Laudunensem et qui nobis in manu nostra fidem suam violaverunt, super hoc quod nobis promiserunt quod ipsi communitatem pacis Laudunensis de eo quod perjuri essent erga nos convincerent et se ipsis coram nobis recognoscentibus quod id per rationem facere non possent et in hoc defecerunt, de omni terra nostra dominica bannivimus. Postea vero Riulphus, Corvinus et Hector de jure sibi faciendo nos requisierunt et nos quesivimus ab eis fidejussores de jure prosequendo in curia nostra, ipsi vero de jure faciendo et de fidejussoribus dandis penitus defecerunt ; inde est quod nos eosdem de omni terra nostra et omni feodo nostro et regno bannivimus, ita quod nullus eorum amodo responsionem sive clamorem facere poterunt erga communitatem Laudunensem vel erga aliquem de pace Laudunensi. Sciendum est etiam quod si nos eosdem infra terram nostram dominicam vel regnum nostrum post bannitionem istam capere poterimus, nos ipsos in carcere nostro quamdiu vixerint tenebimus, nisi crucem sibi assumerent eundi in transmarinas partes. Postea si de transmarinis partibus redirent, numquam in regnum nostrum intrarent. Si vero contra mandatum nostrum in regnum nostrum post reditum suum intrarent, eos in carcere nostro quamdiu vivent tenebimus. Ceterum communitas pacis Laudunensis coram precepto nostro juravit quod infra terminos pacis Laudunensis predicti homines amodo et nullis temporibus manebunt et si fortasse infra terminos pacis Laudunensis venerint et homines dicte pacis eos capere potuerint, ipsos capient et tenebunt quousque eos nobis vel servienti nostro reddiderint. Sciendum preterea quod de omnibus querelis que acciderant usque ad diem anni millesimi ducentesimi secundi, mense decembri, nos totam communitatem pacis Laudunensis et unumquemque pro se in pace remisimus et quitavimus preter tres predictos homines scilicet Riulphum, Corvinum et Hectorem Le Meure Quod ut ratum et firmum permaneat in perpetuum, presentem paginam sigilli nostri munimine et regii nominis caractere inferius annotato precepimus roborari. Actum Parisius, anno Domini millesimo ducentesimo secundo, regni vero nostri anno vicesimo quarto, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii.
Datum vacante (Monogramme) cancellaria, per manum fratris Garini.